1 Tukizi huuza Nahano!
2 Ikyanya Abahisiraheeri bakaba keera bashaabuka mu mahanga,
3 Ngiisi ábali mu ba bavunisiri imitima, ali mu bakania yo.
4 Nahamwitu, ye mu haruura indonde zooshi.
5 Ali mu gingikwa, anali noꞌbushobozi bweneene.
6 Ngiisi ábali batuudu, Nahano agweti agabashiga.
7 Mukizi yimbira Rurema Nahamwitu, iri munadeta kongwa.
8 Mukuba, ye biisiri ibibungu kwiꞌgulu,
9 Agweti agayigusa ibitugwa ku bwasi.
10 Nahano, mu kubona imisi mingi yeꞌfwarasi, atasiimiri.
11 Si ali mu ba asiimiri ngiisi ábali mu ba bamúsimbahiri,
12 E bandu beꞌYerusaleemu, mukizi huuza Nahano.
13 Mukuba, ali mu gashaanira abandu biinyu.
14 Imbibi zeꞌkihugo kiinyu, ali mu zibiika mwoꞌmutuula,
15 Ikyanya ali mu kyula mu kihugo,
16 Ali mu shasha ulugungu, kwo luli lweru ngiꞌpamba,
17 Yulwo lugungu, ikyanya ali mu lutibula, luli nga lushegebwe.
18 Kundu kwokwo, Rurema ali mu kyula, imbuusi inahuuse,
19 Rurema akamenyeesa Abahisiraheeri igambo lyage,
20 Yibyo byoshi, atakabimenyeesa mu bandu beꞌgindi milala.