1 Mukizi deta kongwa imwa Nahano, bwo ali mwija.
2 Mukizi mútangira kongwa, bwo asumbiri abandi ábali mu yikumba booshi.
3 Mukizi mútangira kongwa, bwo ali Nahano wa banahano.
4 Nahano, ye mu gira ibitangaaza bihamu.
5 Ku bumenyi bwage, akabumba igulu.
6 Ye kabumba neꞌkihugo, anakitereka hiꞌgulu lyaꞌmiiji.
7 Ye kabumba niꞌzuuba, noꞌmwezi, neꞌndonde.
8 Ee! Ye kabumba izuuba likizi yaka ku kyanya kyoꞌbukiiri.
9 Ye kabumba noꞌmwezi, neꞌndonde, bikizi moleka bushigi.
10 Nahano, ye kaminika ifula zaꞌBamiisiri.
11 Analyosa Abahisiraheeri mu kati kaabo.
12 Anabalyosa yo ku bushobozi bwage, na ku bukalage bwage.
13 Anabunduula Inyaaja Ndukula mwo kubiri.
14 Analeeza Abahisiraheeri áhakoli yumiri.
15 Si Faraho, kuguma naꞌbasirikaani baage, banakamira mwo!
16 Anakizi rongoora abandu baage mwiꞌshamba.
17 Ye kaminika abaami, kundu bâli riiri bikalage.
18 Ee! Akayita indwani zaꞌbaami.
19 Mu baami bo akayita, hali Sihooni umwami waꞌBahamoori.
20 Hali na Hoogi, mwami weꞌBashaani.
21 Ibihugo bya yabo baami, anabiheereza abandu baage.
22 Ee! Âli biheziizi abakozi baage, Abahisiraheeri.
23 Ikyanya twâli kizi gayirizibwa, anatukengeera.
24 Anatukiza mu bagoma biitu.
25 Ngiisi biremwa byoshi, anakizi biheereza ibyokulya.
26 Rurema atuuziri mwiꞌgulu. Mukizi deta kongwa imwage.