1 Umundu, ikyanya ali mu shaagwa mu baabo, kwo kukulu, ho angalonga ubugale bwingi.
2 Abagale naꞌbakeni, bo baguma,
3 Umwitegeereza ali mu gwanwa abona amakayu, anagayiyeke.
4 Ikyanya umundu ali mutuudu, anabe asimbahiri Nahano,
5 Mu njira za banangora-mabi, muli imigenge neꞌmitego.
6 Ikyanya umwana akiri mwanuke, ukizi múyereka ngiisi kwo angatuula ku njira nyiija.
7 Umugale ali mu twala umukeni.
8 Ngiisi úli mu byala amabi, ali mu yimbula amalibu.
9 Ikyanya umundu ali mu haana, yenyene ali mu kizi gashaanirwa.
10 Ikyanya uli mu yimula akagayirizo, kiri neꞌmilongwe igaamala.
11 Ngiisi úli mu yeruusa imitono yage, anabe ali mu kizi deta ku shagayo,
12 Umundu úsobanukiirwi, amasu ga Nahano gali mu kizi múlanga.
13 Umwolo ali mu deta, ti: «Ha mbuga hali indare.
14 Amagambo goꞌmukazi mushule, kiri kirimbi-rimbi kila bweneene.
15 Umutima gwoꞌmwana guyamiri guli mwoꞌbuhwija.
16 Ngiisi úli mu tindimaza umukeni, mbu lyo agala,
17 Ikyanya abitegeereza bali mu deta, ukizi batega amatwiri! Na ngiisi go ngweti ngakuyigiriza, ukizi gakania.
18 Iri wangabisingula mu mutima gwawe, unabe uli ibiringiini ukubideta, lyo bigasimiisa abandi.
19 Zeene buno, we ndoziizi ukuyigiriza, gira Nahano abe ye ugakizi biika kwoꞌmulangaaliro.
20 Lolaga! Nakuyandikira imigani makumi gashatu. Iyo migani, iri ya kukuhanuula, noꞌkukuheereza ubumenyi.
21 Inakizi kuyigiriza amagambo goꞌkuli, ágangakizi yemeerwa. Kwokwo, ngiisi úgakizi kubuuza ikibuuzo, ugakizi longa ukumúshuvya bwija.
22 Utakizi lyalyania umukeni, mbu bwo atahiiti ubushobozi. Neꞌkyanya ugakizi twa ulubaaja lwaꞌbakeni, utakizi bafina-fina kwo.
23 Mukuba, Nahano yenyene ye gababulanira. Na ngiisi ábagweti bagabanyaga ibindu, nabo agabanyaga byo.
24 Utakomeerane noꞌmundu woꞌkukizi yami raakara. Utanakizi gendanwa noꞌmundu úli mu yagalwa duba.
25 Si hali ikyanya ugamúyigira kwoꞌmugani! Noꞌbuzinda, unakengeere walonga ubuhanya.
26 Ikyanya umundu ayingira mu mwenda gwoꞌwabo, utakizi yigira shinga wagwo.
27 Mukuba, iri wangabula hyoꞌkuguyishula, bangakengeera bakunyaga kiri neꞌngingo yawe.
28 Ibuye lyo bashokuluza bakabiika mu kuyerekana ulubibi lwiꞌtongo, hatagire úgalityeza.
29 Ka hali umundu úli noꞌbulenga mu mukolwa gwage? Uyo mundu, agakizi kolera abaami. Si atagakizi kolera abagunda naaho.