3 Shesheezi kare-kare, banatee hisa ibihe bishatu bayimaaziri, bagweti bagayuvwiriza ngiisi kwo bagweti bagaasoma mu maaja za Rurema Nahamwabo. Ibindi bihe bishatu, banafukama imbere lya Rurema, bagweti bagamúhuuna ulukogo, iri banamúyivuga.
4 Ku bushonero, hâli riiri Abalaawi, nga Yeshuha, na Baani, na Kadimyeri, na Shebaniya, na Buni, na Sherebiya, noꞌgundi Baani, kuguma na Kenaani. Yabo booshi, bâli gweti bagayiberekaania kwiꞌzu mu kuhuuna Rurema Nahamwabo.
5 Ha nyuma, yabo Balaawi (Yeshuha, na Kadimyeri, na Baani, na Hashabineya, na Sherebiya, na Hodiya, na Shebaniya, na Petahya) banabwira abandu kwokuno: «Yimuki, mukizi huuza Rurema Nahamwinyu. Mukizi múhuuza, imyaka neꞌmyakuula.
6 Wehe naaho, we Nahano.
7 E Nahano Rurema, we katoola Hiburamu.
8 Wanabona kwo ali mundu mwemeera imbere lyawe.
9 «Ikyanya bashokuluza biitu bâli kizi libuuka mu kihugo kyeꞌMiisiri, wanababona.
10 Wâli yiji-yiji ngiisi kwaꞌBamiisiri bagweti bagabalibuza.
11 Ikyanya inyaaja yâli koli hangiriiri bashokuluza biitu, emwe,
12 Mwiꞌzuuba, wâli kizi barongoora neꞌnguliro yeꞌkibungu.
13 Ikyanya bakahika i Sinaayi, ukashonooka mwiꞌgulu, wanayiji baganuuza.
14 Ukakoleesa umukozi wawe Musa, mu kubamenyeesa ulusiku lwawe lweꞌSabaato.
15 Ikyanya bâli shalisiri, wanakizi baheereza imikate ukulyoka mwiꞌgulu.
16 «Balya bashokuluza biitu, banaba mindagabika, banayumuusa imitima yabo,
17 Birya bitangaaza byo wâli kizi bagirira, banabiyibagira.
18 Bakajongolola inooro, banayigirira umugisi gweꞌnyana.
19 Kundu bakakuhubira kwokwo mwiꞌshamba, utanabajanda.
20 Umutima gwawe mwija, gwâli kizi bayigiriza.
21 Wanahisa imyaka makumi gana, ubalaaziri kwokwo mwiꞌshamba.
22 «Ikyanya bakagwanana neꞌbinyamahanga, kuguma naꞌbaami baabo, ukabahimira bo.
23 Wanabaluza, halinde banaba nga ndonde kwiꞌgulu,
24 Bagala baabo banakiyingira mwo, banakihyana.
25 Utwaya twabo, kundu twâli zitiirwi, bakatugwata, kuguma neꞌndalo zaabo.
26 «Kundu kwokwo, balya bashokuluza biitu batâli kizi kusimbaha.
27 Iri ukabonaga kwokwo, wanababiika mu maboko gaꞌbagoma baabo,
28 Kundu kwokwo, ikyanya bakaba bakoli tuuziri mu mutuula,
29 Ukakizi bakengula kwo bakizi simbaha imaaja zaawe.
30 «Wanahisa imyaka mingi, ugweti ugabayigenderera.
31 Kundu kwokwo, ukabayuvwirwa indengeerwa,
32 «E Rurema witu, ulyagagi mukulu bweneene, unali wa kahebuuza.
33 Mu byoshi íbikatukoleka kwo, uyamiri uli mu gira íbikwaniini.
34 Abaami biitu, kuguma naꞌbatwali biitu, naꞌbagingi biitu, kiri bashokuluza biitu,
35 Yabo bashokuluza biitu, bâli tuuziri mu bwami bwabo,
36 Aaho! Lolaga zeene buno, tukola baja.
37 Kundu tuli mu yeza bweneene mu kino kihugo,