1 «Abandu bayiji-yiji ngiisi ho bali mu humbira iharija,
2 Bayiji na ho bali mu humbira ibyuma mu kuzimu,
3 «Bayiji kwakundi ngiisi kwo bali mu leeta itara mu kihulu,
4 Abandu bali mu humba ibishimo i kuzimu,
5 «Kwiꞌdaho, bali mu meza imbuto mu luvu,
6 Mu yago mabuye, mwo muli mu lyoka amabuye madukula geꞌsafiiri.
7 Injira yoꞌkugenda i kuzimu, ndaako kanyuni ákangagibona.
8 Ndaayo nyamiishwa ndangi ízindi fina yo.
9 «Abandu bayiji ukufuluula amabuye makomu bweneene,
10 Bali mu bera ingera mu kati kaꞌmabuye mahamu,
11 Bali mu honga ishalalo, gira zitahinge,
12 «Yibyo byoshi, abandu bayiji-yiji ukubigira.
13 Ndaaye mundu úwangamenya akamaro koꞌbwitegeereze,
14 Inyaaja mbamu, iri mu deta, ti: “Ubwitegeereze, ndaabwo hano.”
15 «Yubwo bwitegeereze, umundu atangabugula ku njira yeꞌnooro,
16 Bitagaaziga kwo babugule ku nooro zeꞌHofiiri,
17 Ubwitegeereze buhiiti ikishingo bweneene, ukuhima inooro,
18 Ubwitegeereze butangagulwa naꞌmabuye miija ágadukumbusiri na ágakeyengiini.
19 Bitagaaziga kweꞌtopazi yeꞌHendyopiya yangatangwa hiꞌgulu lyabwo.
20 «Aahago! Yubwo bwitegeereze, kuti kwaꞌbandu bangabulooza?
21 Yibyo byombi, bibishamiri bweneene mu bandu booshi.
22 Ubushereeze, kuguma na Narufu, bali mu deta, ti:
23 Rurema naaho, ye yiji injira yoꞌkulonga ubwitegeereze.
24 Mukuba, ali mu langiiza hooshi mu kihugo,
25 Ye kashungika ngiisi kweꞌmbuusi igakizi huusa,
26 «Ye kabiika imaaja hiꞌgulu lyeꞌnvula,
27 Haaho, lyo akaloleekeza ubwitegeereze, anayiga ikishingo kyabwo.
28 Ha nyuma, Rurema anabwira abandu booshi, ti: