1 «Yuvwa! Yago magambo gooshi, keera nꞌgagabona naꞌmasu gaani,
2 Ngiisi byo muyiji, naani mbiyiji ma!
3 Nangaloziizi ukuganuuza Rurema woꞌbushobozi bwoshi.
4 Kundu kwokwo, mugweti mugabeesha hiꞌgulu lyani.
5 Nga mwangatee hulisiri,
6 «Yuvwirizagi ngiisi kwo ngweti ngayibulanira,
7 Mutakwiriiri ukudeta íbitali nga byo, kwiꞌziina lya Rurema.
8 Mutakwiriiri ukukundirira Rurema.
9 Iri angayiji mùloleekeza, hali ikyanya mutangaki gashaanirwa.
10 Iri mwangamúkundirira ku bumbishwa,
11 Ubulangashane bwage, ka butamùteeziri ikyoba?
12 Imigani yo muli mu tyabiriza, iri neꞌkishingo nga kyoꞌmunyota-kiiko.
13 «Muhulikage maashi, gira naani ndete.
14 Ngiisi kwo ndoniri, kwo nganadeta,
15 Kundu Rurema anganyita, ngamúbiika kwoꞌmulangaaliro.
16 Ee! Bwo ndaaye nangora-mabi úwangayimuka imbere lyage,
17 Yuvwirizagi amagambo gaani ku bwitonde.
18 Keera nalingaania amagambo gaani, nga kwo bikwiriiri.
19 Nyandi ye tugabuulana twe naye?
20 «E Rurema wani, we kongwa we! Iri wangambeereza naaho gano magambo gabiri,
21 Bwoꞌkuboko kwawe kugweti kuganjulika, ukundyokeze,
22 Unganuuze, naani ngakushuvya.
23 Umbwirage ngiisi kwo nahuba.
24 Utakizi mba ingoto.
25 Si ndi naaho nga kyasi íkiri mu yehuulwa neꞌmbuusi!
26 Ugweti ugandega ku birego bilangi,
27 Ugweti uganjweka iminyororo ku magulu,
28 Na ngweti ngaahera nga kiti íkiri mu bola,