1 Ku yikyo kyanya, mwami Hezekiya analwala bweneene, anahambiri fwa. Kwokwo, umuleevi Hisaaya mugala Hamoozi, anayiji mútanduula, anamúbwira kwo Nahano adetaga kwokuno: «Utagaki kira, si ukola ugaafwa. Aaho! Ulingaanie bwija amagambo ga mu nyumba yawe.»
2 Hezekiya anahindukira ikibambaazi, anahuuna Rurema kwokuno:
3 «E Nahano, nakuyinginga ukengeerage ngiisi kwo nâli kizi kukolera mu kati koꞌbwemeera, na ku mutima gwani gwoshi. Ee! Ukengeere ngiisi kwo nâli kizi gira íbikwaniini imbere lyawe.» Haaho, Hezekiya anagwatwa neꞌkifufu, analira.
4 Lyeryo Hisaaya, Nahano anashubi mútumira indumwa
5 kwo agendi bwira Hezekiya kwokuno: «Ndi Nahano Rurema wa shokuluza wawe Dahudi. Galya mahuuno gaawe, keera nagayuvwa, nanabona neꞌmigenge yawe. Ku yukwo, ngakuyushuulira imyaka ikumi niꞌtaanu ku burambe bwawe.
6 Na ngukize mu maboko ga mwami weꞌHasuriya, kuguma na kano kaaya kooshi. Ee! Kano kaaya, ngakizi kalanga.
7 «Naꞌkalangikizo koꞌkukuyereka kwo ngaagira nga ngiisi kwo nꞌgakulagaania, ko kaakano:
8 Nie Nahano, ngagalula ikimbehwa kiꞌzuuba indambo ikumi, ku lwingo úlukayubakwa na Ahaazi.»
9 Uyo mwami Hezekiya, ikyanya akaba keera akiraga, anayimba ulwimbo lwoꞌkuhuuza Rurema kwokuno:
10 Nâli gweti ngayibuuza: Si uburambe bwani, buki ryagagi ha kati naaho!
11 Nanashubi deta: Ala nie! Ndâye ki bone Nahano mu bagumaana.
12 Uburambe bwani bukolaga ngiꞌheema lyoꞌmungere,
13 Kwokwo, nanahisa ubushigi bwoshi, ngweti ngabululuka.
14 Nâli gweti ngaalira nga kalembe-rembe,
15 Bikagi byo nangaki deta?
16 E Nahamwitu! We tumiri tukiri ho.
17 Kundu njubi yuvwiti umwizingeerwe, we kaguhindula bube buhiirwa.
18 Iyo munda i nakwere, ndaaye úwangakuhuuza yo.
19 Si ábakiri bagumaana, boohe, bo bali mu kuhuuza,
20 Nahano keera akangiza!