1 Ino ndumwa ya Rurema, iri hiꞌgulu lyaꞌkaaya keꞌDamasiki.
2 Kiri noꞌtwaya twa mu mbande zeꞌHaroweri tugaashaka.
3 Ee! Iyo munda i Damasiki, ubutwali bukolaga bugaamala.
4 Ku yikyo kyanya, ubugale bwaꞌBahisiraheeri bugaaba bukoli maziri.
5 Yabo Bahisiraheeri bagajandwa ngana,
6 Ábagasigala bagaaba bagerwa nga muhumbuuka gweꞌbitumbwe byeꞌmizehituuni.
7 Ku yulwo lusiku, Abahisiraheeri bagashubi lola ku Mulemi wabo. Ee! Amasu gaabo gagakizi lola, kuꞌlya Mutaluule wabo.
8 Batagaki shubi lola ku tutanda two bakayigirira bongwa ku maboko gaabo. Batâye ki langaalire inguliro zoꞌmuzimu Hasheera, kandi iri akatanda ko bakaguyubakira.
9 Ku lwolwo lusiku, kundu utwaya twaꞌBahisiraheeri twâli tuzitire, si tugasigala mushaka. Tugaaba biguuka, nga kwaꞌBahivi naꞌBahamoori bakasiga utwaya twabo yaho keera, ikyanya Abahisiraheeri bâli bayimwiri.
10 E Bahisiraheeri, keera mukahinduliraga Rurema ingoto,
11 Yizo mbuto, muli mu zibyala lusiku luguma, zinayami mera. Na úbugaakya, zinaleete akaaso.
12 Yuvwagwi! Nayuvwa umulundumo gweꞌbinyamahanga bingi!
13 Yibyo binyamahanga, kundu bigweti bigalunduma kwokwo,
14 Kabigingwe, Abahisiraheeri bagakizi yoboha bweneene.