1 Lyeryo Musa, naꞌbaabo Bahisiraheeri booshi, banayimbira Nahano yulu lwimbo:
2 «Nahano ye misi yani.
3 Nahano ye ndwani.
4 «Nahano keera abindikira abasirikaani ba Faraho mu Nyaaja Ndukula.
5 Ee! Amabenga gaꞌmiiji keera gababindikira,
6 «E Nahano, ukuboko kwawe kweꞌlulyo, keera kwakola ku misi ya kahebuuza.
7 Ku bushobozi bwawe bwaꞌkahebuuza, watindimaza abagoma baawe.
8 Umuuka gukalyoka mu mazuulu gaawe, amiiji ganayihonga haguma.
9 Uyo mugoma ashuba mu yihaya, ti: “Ngabakulikira, halinde mbabindike.
10 Kundu bakadeta kwokwo, wanafuuha umuuka, inyaaja yanababwikira.
11 «E Nahano, mu biri mu yikumbwa, nyandi úli nga wehe?
12 Ikyanya ukagolola ukuboko kwawe kweꞌlulyo,
13 «Urukundo lwawe, lutahiiti imbeka.
14 Ikyanya ibinyamahanga bigayuvwa, bigajuguma, binafololokwe.
15 Abatwali beꞌHedoomu, bagayoboha bweneene.
16 Bagagwatwa neꞌkyoba, noꞌlushunguti.
17 E Nahano, ugabaleeta, bayiji tuula ku mugazi gwawe.
18 E Nahano, uyamiri uli mu twala, halinde imyaka neꞌmyakuula.»
19 Kwokwo, iri abasirikaani ba Faraho bakayitundira mu nyaaja, bali naꞌmagaare giꞌzibo goꞌkukululwa neꞌfwarasi, na ábâli kizi zigendera kwo, haaho-haaho Nahano anashubaania inyaaja, yanababindikira booshi. Si Abahisiraheeri boohe, bâli mali lenga mu nyaaja, áhakamiri.
20 Lyeryo, umuleevi Miryamu, mwali wa Harooni, anayabiira iminjegere. Abaabo bakazi, nabo banamúgombera neꞌgindi, banatondeera ukukina.
21 Miryamu anatondeera ukubayimbira:
22 Ikyanya Musa akalyosa Abahisiraheeri heꞌyo Nyaaja Ndukula, anabarongoora halinde mwiꞌshamba lyeꞌShuuri. Banahisa isiku zishatu, bali mu lyeryo ishamba, ndaanago miiji go bakalonga.
23 Neꞌri bakahika áhali mu buuzibwa Mara, banagwana haꞌmiiji. Haliko, gâli riiri malulu, kyanatuma batagaganywa. (Kyo kikatuma yaho handu hali mu buuzibwa Mara, kuli kudeta: bululu.)
24 Balya bandu, ikyanya bakabulirwa naꞌmiiji, booshi kuguma banatondeera ukuyidodombera Musa, ti: «Ewe! Bikagi leero byo tugaanywa?»
25 Ikyanya Musa akatabaaza Nahano, anamúyereka itavi lyeꞌkiti. Lirya itavi, Musa analiyabiira. Neꞌri akalitibulira mu miiji, ganayami luluuka.
26 Anadeta: «Niehe nie Nahano, Rurema winyu. Na ndi nie mu mùkiza. Kwokwo, iri mwangakizi yuvwiriza izu lyani ku bwitonde, ndagamùleetera ikiija, kundu nꞌgakireetera Abamiisiri. Ku yukwo, ikyanya ngakizi mùbwira igambo, mukwiriiri mukizi ndega amatwiri, munakizi gira íbikwaniini imbere lyani. Imaaja zaani, mukizi zisimbaha, nga ngiisi kwo nakyula.»
27 Ha nyuma, Abahisiraheeri banahika i Herimu. Na yaho, hâli riiri utudota ikumi na tubiri, kuguma neꞌbigazi makumi galinda, banashumbika hoofi naꞌmiiji.