1 Kalya Kajumba keꞌKihango, iri bakakaleetaga, banakayingiza mwiꞌheema lyo Dahudi âli mali gwanwa akalingaaniza. Haaho, banatangira Rurema amatuulo goꞌkusiriiza lwoshi, na goꞌkuyerekana ingoome.
2 Yago matuulo, ikyanya Dahudi akayusa ukugatanga, anagashaanira Abahisiraheeri kwiꞌziina lya Nahano.
3 Ngiisi muguma wabo, abashosi naꞌbakazi, anabagabulira umukate, neꞌndongo yeꞌnyama, noꞌmukate gweꞌmizabibu myumu.
4 Dahudi anabiika Abalaawi baguma, kwo bakizi kolera Nahano, Rurema waꞌBahisiraheeri imbere lyaꞌKajumba keꞌKihango kyage. Bakizi múhuuna imigashani, iri banamútangira kongwa, noꞌkukizi múhuuza.
5 Anatoola Hasafu, abe kirongoozi wabo, atabaalwe na Zakariya. Anatoola na Yehiyeri, na Shemiramoti, na Yehyeri, na Matitiya, na Heryabu, na Benaya, na Hobedi-Hedoomu, na Yehyeri, babe bo bagakizi lasa ibinanda neꞌnzeeze. Hasafu ye wâli kizi ziha isembaale.
6 Abagingi Benaya na Yahazyeri, banatoolwa kwo bo bakizi dihiriza ibibuga imbere lyaꞌKajumba keꞌKihango.
7 Ku lwolwo lusiku, Dahudi anaheereza Hasafu na beene wabo Abalaawi yulu lwimbo lwoꞌkuyivuga Nahano:
8 Mukizi tanga kongwa imwa Nahano, munakizi menyeesania ngiisi kwo ali mukulu.
9 Mukizi múyimbira! Mukizi múyimbira inyimbo zoꞌbwivuge.
10 Mukizi huuza iziina lyage, kwo liri lyeru.
11 Mukizi looza Nahano, mulooze neꞌmisi yage.
12 Mukizi kengeera ngiisi kwo Nahano âli kizi gira ibisoomeza,
13 E bandu ba mwiꞌkondo lya Hisiraheeri,
14 Nahano, ye Rurema witu.
15 Nahano ayamiri akengiiri ikihango kyage,
16 Yikyo kihango, akatee kinywana bo na Hiburahimu,
17 Kiri neꞌmwa Yakobo, akakisisa.
18 Anadeta: «Ngamùheereza ikihugo kyeꞌKaanani,
19 Ikyanya Nahano akabalagaania kwokwo, bâli ki riiri bagerwa naaho.
20 Bâli kizi jeba-jeba mu mahanga,
21 Kundu kwokwo, Rurema atanahanguula kwo hagire umundu úgabalibuza.
22 «Yaba batoolwa baani, mutakolwe mbu mukizi balibuza.
23 Mwe bandu baꞌmahanga gooshi! Mukizi yimbira Nahano.
24 Mukizi menyeesa ubulangashane bwage mu binyamahanga.
25 Nahano ye mukulu. Ye na kwaniini ukuyivugwa.
26 Birya abandu beꞌmahanga bali mu yikumba, si iri migisi naaho!
27 anayamiri ali mwoꞌlushaagwa noꞌbulangashane.
28 E bandu baꞌmahanga gooshi!
29 Mukizi huuza ubulangashane bwage, bwo ye mwene bwo.
30 Mwe bandu beꞌbihugo byoshi, mukizi juguma imbere lyage.
31 Igulu, likizi shagaluka. Neꞌkihugo, kikizi shambaala.
32 Inyaaja ibindule, na byoshi íbiri mwo.
33 Kiri neꞌbiti byeꞌrubako bikizi yimba,
34 Mukizi deta kongwa imwa Nahano, bwo ali mwija.
35 Muyiberekanie, ti: «E Rurema, Lukiza witu! Utukizagye maashi!
36 Nahano Rurema waꞌBahisiraheeri, akizi huuzibwa,
37 Mwami Dahudi anasiga Hasafu na beene wabo Abalaawi, bakizi kolera Nahano imbere lyaꞌKajumba keꞌKihango kyage, bakizi gira ngiisi íbikwaniini ngiisi lusiku.
38 Mu kati kaabo, mwâli Hobedi-Hedoomu mugala Yedutuni, kuguma naꞌbaabo makumi galindatu na munaana, bali mu kolera kuguma. Hobedi-Hedoomu na Hosha bo bâli kizi langa inyiivi.
39 Mwami Dahudi anabiika umugingi Saadoki naꞌbaabo bagingi, gira bakizi kola imbere liꞌheema lya Nahano iyo munda Gibyoni.
40 Bâli kwaniini ukukizi tangira Nahano amatuulo goꞌkusiriiza ku katanda, ngiisi shesheezi na ngiisi kabigingwe, nga kwo biri biyandike mu maaja zo Nahano akasikiiriza Abahisiraheeri.
41 Hâli na Hemani, na Yedutuni, na balya booshi ábakatoolwa, ngiisi muguma kwiꞌziina lyage. Yabo, bâli kwaniini bakizi yivuga Nahano. Mukuba, urukundo lwage luli lweꞌmyaka neꞌmyakuula.
42 Hemani na Yedutuni, bo bâli kizi yivuga Nahano, mu kudihiriza ibibuga, neꞌsembaale, neꞌbindi íbigaalaka. Bagala Yedutuni, bo bakabiikwa, mbu bakizi langa inyiivi.
43 Iri hakatama, yabo bandu booshi banataaha. Dahudi naye anagenda imwage, gira agendi gashaanira imbaga yage.