1 अदुनहाटीं, इंका सहन कियमळ मातोनि आया पर्राका, एतेंस सहरते होंचि ओंटिगा मंदना विचारम कीतोम.
4 मोमोट मीवातोनि मत्तस्के, इसोंटा तकलिपकु वांतां इंचि मुन्नेने वेहतोम. अल्हेने जर्गता, अद मीक एरपाटे.
5 अदुनहाटीं नना आगा पर्राहिल्लेन. पट्टु हूळानोर मीवा पट्टु हूळतोरा बतला, मोमोट कीता कस्टम एर्तम आताना बतला इंचि, मीवा विस्वासमतुन कन्कुनालय नना तिमोतिन लोहतन.
6 गानि तिमोति इंदके मिहागटाल महगा, मीवा विस्वासम आनि पावरमता बारेमते बेसता कबुर पीसि वातोर. मोमोट बल्हा मीकुन हूळालय बागा तनलाळंतोम, अल्हेने माकुन हूळालय मिमेटगुडा मावा बस्केळ्क मति कींतिट इंचि वेहतोर.
7 अदुनहाटीं विस्वासुल्कुनिटा! मोमोट तकलिपते, दुक्कमते मनिनागानि मीवा विस्वासमताहेंदाल, मीवा बारेमते माकु सांति दोर्कता.
8 बारित्ते मिमेट सामिन लोप्पो गट्टिगा निल्सि मत्ते, मोमोट जीवाते मत्तापे.
9 मीवाहेंदाल मोमोट मना पेनदा मुन्ने वेल्ले कुसिते मंतोम. अदुना बारेमते मीवाहाटीं मोमोट पेनदुक वेल्लेने दन्यवाद कींतोम.
10 मोमोट मीकुन हूळसि, मीवा विस्वासमते तक्को मत्तदुन पूरा कियाना इंचि नर्का-पिय्यल पेनदुक पारतना कीसेके मंतोम.
11 इंदके मना पेनबाबाल आनि मना येसु सामि, मोमोट मिहगा वायालय हर्रि तयार कियिरकांटी.
12 मोमोट मीकुन पावरम कीताप, मिमेटगुडा मीलोप्पो वरोंक-वरोर पावरम कियालय, अंटोर लोकुल्कुनतोनि पावरम बेर्सालय सामि मीक सहायम कियिरकांटी.
13 बस्के अय्ते मना सामि येसु ओना अंटोर पवित्र लोकुल्कुनतोनि वांतोरो, अस्के मनम पेनबाबाना मुन्ने पवित्रते दोसेम हिलाकोंटा मनालय मना मनसुकुन गट्टिगा कियिरकांटी, आमीन.