1 इंदके, बोम्मनगा मोळ्कता उपारमता बारेमते वेहंतन, मनम अंटोरम तेल्वितोर्कुम इंचि मनाकु एरपाटे मंता. तेल्विता हेंदाल गर्रा वांता, गानि पावरम बक्तितुन बेर्सागोटंता.
2 बोरन्नागिंटा नाक पूरा तेळियंता इंचि इनकुनानय्ते, ओन्क बतलय्ते तेळियमळ गावाले, अद इंदकेगुडा तेळिया हिल्ले.
3 गानि बोरन्नागिंटा पेनदुन पावरम कीते, पेनदुक ओर एरपाटे.
4 अदुनहाटीं बोम्मनगा मोळ्कता उपारमतुन तिनना बारेमते नना मीक वेहंतन, दुनियाते मनना बोम्माने पेन हिल्ले. पेन उंदे मंता, अद आयाका इंका वेरे पेन हिल्ले.
7 गानि अंटोर विस्वासुल्कुंक ई तेल्वि हिल्ले. इच्चुर मोदाटाले बोम्मन मोळ्किसि मत्ताहाटीं, अगा मोळ्कता उपारमतुन तिंतुर. अदुनहाटीं ओरा कमजोर मनसु कराब आसि दांता.
8 गाटो मनाकुन पेनदा दग्गेर्क ओयो. मनम तिनाकुन्ना मनद नुकसान आयो, तिनना बतल पायदा आयो.
9 मिमेट बदन्ना उपारम तिंतिर आयावच्चु गानि उंदि पोल्ले मति इर्राट, मीवाहेंदाल विस्वासमते कमजोर मत्तोर पापमते अर्रानायो.
10 बारित्ते निमे तेल्विता मनकन, निमेने गुळिते बोम्मनगा मोळ्कता उपारमतुन तिनानय्ते, वरोर कमजोर विस्वासि अदुन हूळतस्के, गुळिते मोळ्कतवुन तिनालय ओना मनसु आयोना?
11 ओनाहाटींगुडा किरिस्तु हातोर, इल्हा नीवा तेल्विहेंदाल, विस्वासमते कमजोर मत्ता विस्वासि पेनदागटाल लक्कु आंतोर.
12 इल्हा निमे नीवा दंटाता विस्वासुल्कुना विरोदमते पापम कीसि, कमजोर विस्वासिना मनसुन नोप्पिचि, किरिस्तुना विरोदमते तप्पु कींतिन.
13 अदुनहाटीं ओक्कला उपारमताहेंदाल नना नावा दंटाता विस्वासुल्कुन पापमते अरहानय्ते, नना बस्केने हव्विं तिन्नोन. नावाहेंदाल ओर बस्केने पापमते अर्रा मनि.