1 Ayiwa, kule sisan sa! Jɔntigi le bɛna i jaabi?
2 Sabu jusugban bɛ naloman faga,
3 Ne ka naloman ye, a bɛ baraka sɔrɔra,
4 «Dɛmɛbaga kana sɔrɔ a denw si ra!
5 A ka siman min kan, kɔngɔtɔw ye o bɛɛ domu!
6 Terenbariya tɛ bɔ dugukolo ra,
7 Adamaden le danna kojugukɛ kama,
8 Ni nin ko tun sera ne le ma, ne tun bɛna Ala le ɲini;
9 Ala le bɛ kobaw kɛ, ko minw tɛmɛna adamaden hakiri dan kan;
10 Ale le bɛ sanji lana dugukolo kan,
11 Mɔgɔ majigininw, a bɛ olugu lawuri fɔ san fɛ,
12 A bɛ mɔgɔ cegumanw ta kolatigɛninw cɛn;
13 A bɛ hakiritigiw mina ni o yɛrɛ ta ceguya ye;
14 Dibi bɛ ben o kan tere fɛ;
15 Nka kɛrɛkɛmuru min bɛ bɔ o mɔgɔw da ra, Ala bɛ fagantan kisi o ma,
16 Ni o kɛra, dɛsɛbagatɔ bɛ jigiya sɔrɔ,
17 O kosɔn ni Ala bɛ mɔgɔ min jaraki, o tigi ta ɲana!
18 Sabu ale le bɛ dimi ben mɔgɔ kan, ka sɔrɔ k’a suma;
19 Deguko wɔɔrɔ bɛ se i ma, nka Ala bɛ i bɔsi a bɛɛ ra;
20 Kɔngɔba wagati ra, a bɛ i kisi saya ma,
21 A bɛna i tanga mɔgɔjuguw nɛnkun ma;
22 I bɛ yɛrɛko cɛnri wagati ni kɔngɔ wagati ra,
23 sabu kabakuru minw bɛ foro kɔnɔ, olugu bɛna jɛnɲɔgɔnya don ni i ye,
24 I yɛrɛ bɛna a ye ko hɛra bɛ i ta so;
25 I bɛna a ye ko i ta durujaw cayara,
26 I kɔrɔninba le bɛna sa ka don kaburu kɔnɔ,
27 Ayiwa, a flɛ, an ka jatemina kɛ ka nin le sɔrɔ; a fana bɛ ten le cɔ!