1 Warigbɛ bɔyɔrɔ bɛ yi,
2 Nɛgɛ bɛ bɔ dugukolo jukɔrɔ;
3 Mɔgɔw bɛ dibi yɛlɛma k’a kɛ yeelen ye;
4 O bɛ dingaw sogi k’a yɔrɔ janya mɔgɔw sigiyɔrɔw ra,
5 Adamadenw ta baro bɛ sɔrɔ dugukolo min na,
6 Dugukolo kabakuruw le ye safiri luluw sɔrɔyɔrɔ ye,
7 Dugaw tɛ o yɔrɔ sira lɔn,
8 Kongosogo fagamaw sen ma se yi fɔlɔ;
9 Mɔgɔw bɛ taga ben faragbɛlɛnw kan ka o sogi,
10 O bɛ dingaw sogi faraw jukɔrɔ;
11 O bɛ jisiraw gberen,
12 Nka hakiritigiya bɛ sɔrɔ min le?
13 Adamaden t’a nafa lɔn,
14 Ji dunba ko: «A tɛ ne kɔnɔ!»
15 Mɔgɔ tɛ se k’a falen sanin yɛrɛworo ra,
16 A tɛ se ka suma ni Ofiri sanin ye,
17 Sanin walama dugalen tɛ se ka suma ni a ye;
18 Korayi lulu ni zasipe lulu tɔgɔ yɛrɛ tɛ se ka fɔ a kɔrɔ;
19 Etiyopi jamana ta topazi lulu tɛ se ka suma ni a ye,
20 Ayiwa, hakiritigiya bɛ bɔ min le?
21 A dogonin lo danfɛn ninman bɛɛ ma,
22 Lahara dibi ni saya yɛrɛ b’a fɔ ko:
23 Ala le k’a sira lɔn,
24 sabu ale le bɛ flɛri kɛ ka se fɔ dunuɲa danw bɛɛ ma,
25 Wagati min a ka fɔɲɔ baraka latigɛ,
26 wagati min a ka sanji ta sariya yira a ra,
27 o wagati le ra a ka hakiritigiya ye k’a ko fɔ;
28 O kɔ, a ko adamaden ma ko: «A flɛ, Matigi ɲasiran, o le ye hakiritigiya ye;