1 Sankolo, i toro malɔ, ne bɛna kuma;
2 Ne ta lɔnniyakumaw ye jigi i ko sanji,
3 Sabu ne bɛna Matigi Ala tɔgɔ fɔ, janko bɛɛ y’a mɛn;
4 Ale le ye an ta barakatigi ye, a ta kɛwale bɛɛ dafanin lo;
5 Nka aw le ma teren Ala ye;
6 Aw siya naloman, siya hakirintan,
7 Aw ye miiri fɔlɔfɔlɔ wagatiw ra,
8 Wagati min na Ala kɔrɔtaninba ka dunuɲa jamanaw taran adamadenw na,
9 sabu Matigi Ala ninyɔrɔ ye a yɛrɛ ta mɔgɔw le ye.
10 Matigi Ala ka Izirayɛlimɔgɔw sɔrɔ kongokolon le kɔnɔ,
11 i ko bɔn bɛ a kamanw lamaga cogo min na a ta denw kunna,
12 Matigi Ala kelenpe le tagara ni a ta mɔgɔw ye;
13 A tagara o layɛlɛn jamana kuruyɔrɔw ra,
14 O ka misiw ni sagaw ta nɔnɔ min, k’a nare domu.
15 Nka Yesurun fara fɔ ka tɔrɔ minkɛ, a murutira.
16 O ka siya wɛrɛw ta alaw bato, k’a to Ala dimina, sabu o ka ale ni ala wɛrɛw kɛ kelen ye;
17 O ka sarakaw bɔ jinaw ye, o minw tɛ Ala ye.
18 Aw ta barakatigi Ala min baraka ra aw worora, aw bɔra o le kɔ!
19 Ayiwa, Matigi Ala k’a ye ten minkɛ, a banna o ra,
20 A ko: «Ne tɛna ne janto o ra tuun!
21 Fɛn minw tɛ Ala ye, o ka ne ni olugu kɛ kelen ye, k’a to ne dimina.
22 Sabu ne ta dimi wurira, ka mana i ko tasuma;
23 Ne bɛna kojuguw caya o kan,
24 Ne bɛna kɔngɔ ben o kan, fɔ ka o baraka ban;
25 Mɔgɔw bɛna o ta denw faga ni kɛrɛkɛmuru ye kɛnɛ ma, ka o kɛ denntan ye.
26 «Ne tun b’a fɛ ka o janjan, ka o lataga fɔ yɔrɔjanw na;
27 Nka ne siranna o juguw kosɔn;
28 «Ayiwa, Izirayɛlimɔgɔw ye siya naloman le ye,
29 E, ni hakiri le tun bɛ o fɛ, o tun bɛna a faamu,
30 Cɛ kelenpe bɛ kɛ cogo di ka Izirayɛli cɛ waga kelen gbɛn?
31 Sabu o juguw yɛrɛ k’a lɔn ko min ye olugu ta barakatigi ye,
32 Olugu bɛ i n’a fɔ Sodɔmu ta mɔgɔw,
33 O ta rɛzɛnji bɛ i ko sa baga,
34 «Ne ka ko dɔ labɛn dogo ra;
35 Ni aw juguw benlon nana se,
36 «Matigi Ala bɛna a ta mɔgɔw ta kiti tigɛ,
37 A bɛna a fɔ o ma ko: Aw ta alaw bɛ min sisan?
38 Aw tun bɛ aw ta sarakaw fagara, k’a sogo yɔrɔɲumanw di ala minw ma, olugu bɛ min?
39 «Aw y’a lɔn ko ne, ne kelenpe le ye Ala ye,
40 Ne bɛ ne boro kɔrɔta san fɛ,
41 Ni ne nana ne ta kɛrɛkɛmuru dabɔ, fɔ a bɛ manamana,
42 Ne ta biɲɛw bɛna o bɛɛ jori min fɔ ka fa;
43 Ayiwa, aw siya wɛrɛ mɔgɔw, aw ye ɲagari ni Ala ta mɔgɔw ye!
44 Ayiwa, Musa ni Nuni dencɛ Yosuwe ka nin dɔnkiri kumaw bɛɛ fɔ Izirayɛlimɔgɔw ɲa na.
45 Musa ka nin kumaw bɛɛ fɔ Izirayɛlimɔgɔw bɛɛ ye ka ban tuma min na,
46 a k’a fɔ o ye ko: «Ne ka nin kuma minw bɛɛ fɔ aw ye bi Ala ɲa kɔrɔ, aw ye aw hakiri to o ra kosɛbɛ, ka aw denw karan a ra, janko o ye nin sariya ta kumaw bɛɛ sira tagama k’a dafa a cogo ra.
47 «Aw kana nin kumaw jate k’a kɛ kuma gbansan dɔrɔn ye dɛ! Nin kumaw le bɛna si di aw ma; sabu aw bɛna Zuridɛn ba tigɛ ka taga jamana min mina, nin kumaw le sababu ra aw bɛna sijan sɔrɔ o jamana ra.»
48 O lon kelen na, Matigi Ala k’a fɔ Musa ye ko:
49 «Wuri ka yɛlɛn Abarimu kuruw kan, ka taga se fɔ Nebo kuru kunna, Mohabu jamana ra, Zeriko dugu ɲa fɛ, ka Kanaana jamana flɛ; ne bɛna o jamana le di Izirayɛlimɔgɔw ma k’a kɛ o ta ye.
50 I bɛna yɛlɛn o kuru min kan, i bɛna sa o yɔrɔ le ra, ka taga fara i bɛmaw kan, i n’a fɔ i kɔrɔcɛ Haruna sara Hɔri kuru kan cogo min na, ka taga fara a bɛmaw kan;
51 sabu ka aw to Meriba ta ji yɔrɔ ra, min bɛ Kadɛsi, Zini kongokolon kɔnɔ, aw ma la ne ra ka ne kan mina Izirayɛlimɔgɔw ɲa na; aw ma ne bonya ne ta saninmanya kosɔn Izirayɛlimɔgɔw ɲa na.
52 O ra ne bɛna o jamana min di Izirayɛlimɔgɔw ma, i bɛna to yɔrɔjan le dɔrɔn ka o jamana ye i ɲa ra, nka i yɛrɛ tɛna don a ra.»