1 Ye yurugo fɔnŋgɔ kɔ ye Yawe Yɛnŋɛlɛ li sɔn!
2 Yaa yuuro koo Yawe Yɛnŋɛlɛ li kan, yaa li sɔnni,
3 Yaa li gbɔgɔwɔ yanwa pi sɛnrɛ yuun dunruya cɛngɛlɛ ke sɔgɔwɔ,
4 Katugu Yawe Yɛnŋɛlɛ li yɛn ma gbɔgɔ, li daga paa li sɔnni fɔ jɛŋgɛ;
5 Katugu yarisunndo nda fuun cɛngɛlɛ sanŋgala ke maa gbogo ti woro yaraga ka,
6 Gbɔgɔwɔ yanwa naa tiyɔnwɔ pi yɛn li woo,
7 Cɛngɛlɛ ŋgele laga tara na, yaa Yawe Yɛnŋɛlɛ li gbogo,
8 Yaa Yawe Yɛnŋɛlɛ li mɛgɛ ki gbogo,
9 Ye fɔli ye ye yɛrɛ ti jiile wa tara Yawe Yɛnŋɛlɛ li yɛgɛ sɔgɔwɔ yeli gbɔgɔ, li yɛn kpoyi yɛgɛ ŋga na ki kala na!
10 Yaa ki yuun wa cɛngɛlɛ ke sɔgɔwɔ fɔ: «Yawe Yɛnŋɛlɛ lo li yɛn wunluwɔ we!»
11 Naayeri yaara, yaa yɔgɔri, tara na yaara, ye yin nayinmɛ ni,
12 Yan nawa naa yanyaara ti ni fuun yaa yɔgɔri!
13 Yaa ki piin Yawe Yɛnŋɛlɛ li yɛgɛ sɔgɔwɔ, katugu li yɛn na paan,