1 Davidi Yɛnŋɛlɛ gbɔgɔyurugo.
2 Mi ŋa ma tunmbyee, maga ka ti kiti kɔnkala mbe ye mi naa mboro we sɔgɔwɔ,
3 Na jugu wì taga na na nala jɔlɔ,
4 Na jatere wì piri na na,
5 Mi yɛn na nawa tuun wagati ŋa wì toro wa faa wi na,
6 Mìlan kɛyɛn yi yirige ma wa wa ma yeri na yɛnri,
7 Yawe Yɛnŋɛlɛ, fyɛɛlɛ mala yɔn sogo,
8 Pinliwɛ ni, ma ti mbɔɔn kagbaraga ki yan,
9 Yawe Yɛnŋɛlɛ, na shɔ mala wɔ wa na juguye pe kɛɛ!
10 Na kara mbaa ma nandanwa kala li piin,
11 Yawe Yɛnŋɛlɛ, ki yaga ma yinwege kan na yeri ma mɛgɛ ko kala na;
12 Ma kagbaraga ki kala na, ma yaa na juguye pe kɔ mbe pe wɔ wa,