1 Yaa Yawe Yɛnŋɛlɛ li sɔnni,
2 Yɛnŋɛlɛ na lì wɛ yarisunndo ti ni fuun ti na, yaa li sɔnni,
3 Lo na li yɛn tafɛnnɛ pe ni fuun Fɔ, yaa li sɔnni,
4 Lo nuŋgba lo li maa kafɔnŋgɔlɔ tugbɔŋgɔlɔ piin,
5 Lo lì naayeri wi gbegele tijinliwɛ ni,
6 Lo lì tara ti gbegele mari tɛgɛ tɔnŋgbɔɔ pi go na,
7 Lo lì yanwa yirigeyaara tugbɔɔrɔ ti gbegele,
8 Lo lì yɔnlɔ ki gbegele, jaŋgo ki cɛn pilige ki go na,
9 ma yeŋge ko naa wɔnŋgɔlɔ ke gbegele, jaŋgo ke cɛn yembinɛ li go na,
10 Lo làa Ezhipiti tara fɛnnɛ pe pinambiile koŋgbanmbala pe gbo,
11 Lo làa Izirayɛli woolo pe yirige ma pe wɔ wa Ezhipiti tara,
12 Làa ki pye li fanŋga ko naa li yawa po ni,
13 Làa Kɔgɔje yɛɛn wi tɔnmɔ pi kɔn shyɛn,
14 ma ti a Izirayɛli woolo pè tanga ma kɔgɔje wi kɔn wa wi nandogomɔ ma yiri,
15 Ɛɛn fɔ làa Farawɔn wo naa wi maliŋgbɔɔnlɔ pe jaanri wa Kɔgɔje yɛɛn wi ni,
16 Lo làa li woolo pe yɛgɛ sin wa gbinri wi ni,
17 Lo làa wunlumbolo tugbɔmbɔlɔ tɔngɔ,
18 Lo làa wunlumbolo fanŋga fɛnnɛ gbo,
19 Lo làa Amɔri cɛnlɛ woolo pe wunlunaŋa Sihɔn wi gbo,
20 Lo làa Bazan tara wunlunaŋa Ɔgi wi gbo,
21 Làa pe tara ti shɔ mari kan li woolo pe yeri kɔrɔgɔ,
22 Làa ti kan Izirayɛli woolo, li tunmbyeele pe yeri kɔrɔgɔ,
23 Lo làa jatere pye we na sanga ŋa ni wàa pye wa we jɔlɔgɔ ki ni,
24 Lo làa we shɔ we jɔlɔfɛnnɛ pe kɛɛ,
25 Lo li maa yaakara kaan yaara nda fuun tì da ti yeri,
26 Yaa Yɛnŋɛlɛ na wa naayeri li sɔnni,