1 Tangala yurugo mbe kari wa Zheruzalɛmu ca.
2 Wìla ki wuguro nda ti wugu Yawe Yɛnŋɛlɛ li kan,
3 «Mi se ye wa na paraga go ki ni fyew,
4 mi se ti wɔnlɔwɔ mbanla yigi,
5 fɔ mbe ka sa laga ka ta Yawe Yɛnŋɛlɛ li kan li wogo,
6 Wele, wè yɔn finliwɛ kɛsu wi sɛnrɛ logo wa Efirata ca,
7 Yoo kari wa li cɛnsaga ki ni,
8 Yiri Yawe Yɛnŋɛlɛ, ma pan wa ma wogosaga ki ni,
9 Ma saraga wɔfɛnnɛ pe pye sinmbele, ki sinmɛ pi pye paa derege yɛn pe na,
10 Davidi ŋa wìla pye ma tunmbyee wi kala na,
11 Yawe Yɛnŋɛlɛ làa wugu Davidi wi kan kaselege ko na, li se yɔn sɔngɔrɔ;
12 Na ma piile paga na yɔn finliwɛ pi yigi konaa na sɛrɛya sɛnrɛ ti ni,
13 Kaselege ko na, Yawe Yɛnŋɛlɛ lì Siyɔn ca ki wɔ,
14 Làa yo fɔ: «Ki laga ŋga ko ki yɛn na wogosaga ye, fɔ sanga pyew;
15 Mi yaa duwaw pe yarilire ti na fɔ jɛŋgɛ,
16 Mi yaa ca ki sagara wɔfɛnnɛ pe shɔ, ki shɔwɔ pi pye paa derege yɛn pe na,
17 Ko laga koyi mi yaa ka Davidi fanŋga ki kan ki gbɔgɔ,
18 Mi yaa ka fɛrɛ wa wi juguye pe na, ti pye pe na paa derege yɛn,