1 E, mi we, mi yɛn na Yawe Yɛnŋɛlɛ li sɔnni!
2 Mà yanwa pi tɛgɛ mɔɔ yɛɛ fo paa derigbɔgɔ yɛn,
3 Mɔ̀ɔ cɛnsaga ki gbegele maga tɛgɛ wa naayeri tɔnmɔ pi go na,
4 Ma ma tifɛɛrɛ ti pye ma pitunmbolo,
5 Mà tara ti teŋge wa ti nɔgɔna cɛnyaara ti na,
6 Màa tara ti tɔn tɔnŋgbɔɔ pi ni paa paraga yɛn,
7 Ɛɛn fɔ màa gbanla pi na, a pì fe ma tigi,
8 Pìla lugu yanwira ti na ma kari, ma tigi wa yanwira gbunlundɛrɛ ti ni,
9 Mà kɔngɔlɔ gbɔn tɔnmɔ pi kan, pii daga mbe koro kaanla,
10 Ma ma ti puluyo yi ma pulo, na fuun, na yiin wa laforo ti ni,
11 Yan woŋgaala pe ni fuun pe ma pan na woo wa yi ni,
12 Naayeri sannjɛrɛ ti ma pan ma ti sere ti pɔ wa ki tɔnmɔ pi yɔn na,
13 Ma ma koro wa ma cɛnsaga ki ni wa yɛnŋɛlɛ na, mbe ti tisaga ki ma pan wa yanwira ti na,
14 Ma ma ti yan ki ma fi yaayoro ti kan,
15 konaa duvɛn ni, ŋa wi ma nayinmɛ kan sɛnwee wi yeri,
16 Yawe Yɛnŋɛlɛ li tigbɔrɔ gbɔrɔ ti ma tɔnmɔ ta fɔ ma tin pi na,
17 Pa sannjɛrɛ ti ma pan mari sere ti pɔ wa,
18 Yanwira nda ti yagara to yɛn likatɔlɔye poro cɛnsara,
19 Mboro mà yeŋge ki gbegele, jaŋgo mbaa wagati wi nari mbaa wi woo wi yɛɛ ni,
20 Ma ma ti diwi wi ma ye, yembinɛ li ma wɔ,
21 Jara yirifɔnmbɔlɔ pe maa gbele pe yaakara ti puŋgo na,
22 Ɛɛn fɔ pa yɔnlɔ kila yinrigi, pe mɛɛ sɔngɔrɔ
23 Ko sanga wo ni, sɛnwee wi mɛɛ yiri ma kari wi tunŋgo yeri,
24 E, Yawe Yɛnŋɛlɛ, ma kapyegele kè lɛgɛ fɔ jɛŋgɛ,
25 Kɔgɔje wi wele, pa wì gbɔgɔ ma jaraga ma kari pya!
26 Tɔnmɔkɔɔrɔ gbende ti maa yanri wa wi ni,
27 Kì yaara ti ni fuun ti yɛn na wele mboro yeri,
28 Ma mari kan ti yeri, ti mari shɔ,
29 Ɛɛn fɔ na ma kɔɔn yɛɛ lara ti na, ti sunndo wi ma kɔn ti na,
30 Ɛɛn fɔ na ma kɔɔn yinwege wɔnwɔn pi kan ti yeri, ta ma se naa fɔnndɔ,
31 Yawe Yɛnŋɛlɛ, ti ma gbɔgɔwɔ yanwa pi koro wa fɔ sanga pyew!
32 Na maga tara ti wele, ti maa seri;
33 Mbanla ta yinwege na, mi yaa la yuuro koo Yawe Yɛnŋɛlɛ li kan,
34 Ki yaga na sɔnrimɔ pɔɔn ndanla;
35 Ki yaga kapere pyefɛnnɛ pe kɔ pe wɔ laga tara ti ni,