1 Na pinambyɔ, na kajɛnmɛ sɛnrɛ ti logo,
2 jaŋgo ma jatere pyelɔmɔ jɛmbɛ ta,
3 Katugu jɛlɛ kalikalifɔ wi yɔn sɛnrɛ tì tanla ndɛɛ sɛnrɛgɛ yi;
4 Ɛɛn fɔ wa kala li kɔsaga, ti ma sori paa kurugbɛgɛ yɛn,
5 Wi tangalɔmɔ pi maa kee wa kunwɔ pi yeri,
6 Konɔ na li maa yinwege kaan, wila lo lɛ,
7 Koni na pinambiile, yaa nuru na yeri,
8 Ma konɔ li laga lali ki jɛlɛ cɛnlɛ wi ni,
9 Jaŋgo maga kɔɔn gbɔgɔwɔ pi kan leele pele yɛgɛ yeri,
10 jaŋgo cɛngɛlɛ kele yɛgɛ woolo ka ka pan mbe tege ŋga mà te ki yarijɛndɛ ti koli mberi ta;
11 Jaŋgo wa ma yinwege ki kɔsaga maga kaa jɛɛn,
12 Jaŋgo maga ka yo fɔ: «Ki pye mɛlɛ, a mi si je nagawa sɛnrɛ ti na?
13 Ki pye mɛlɛ mii si yɛnlɛ mbanla nagafɛnnɛ pe sɛnrɛ ti logo?
14 Kì koro jɛnri anmɛ mi jɔgɔ ma kɔ ma wɔ wa pew,
15 Ma yɛɛra tɔnmɔ wege ta ko tɔnmɔ po woo,
16 Yiŋgi na mɛɛ ma pulugo tɔnmɔ pi yaga, pila wuun funwa na jaga?
17 Ki tɔnmɔ pi daga mbe pye mboro nuŋgba woo,
18 Yɛnŋɛlɛ sa duwaw ma pulugo ki na,
19 Wi yɛn ma yɔn paa lufanɔ yɛn, paa dagbɛ nɔ tiyɔɔn yɛn.
20 Na pinambyɔ, yiŋgi na mɛɛ sa yɛgɛ yirige jɛlɛ kalikalifɔ wa na?
21 Katugu Yawe Yɛnŋɛlɛ li yɛgɛ yɛn sɛnwee wi koŋgolo ke na,
22 Lepee wi yɛɛra kajɔgɔrɔ ti maa yigi paa pɛnɛ yɛn,
23 Wi yaa ku wi mbakorowo pi kala na,