1 Koni Zhɔbu, na sɛnrɛ ti logo na yeri!
2 Wele, mi yaa na yɔn ki yɛngɛ mbe para,
3 Kaselege ŋga ki yɛn wa na kotogo na, ko mi yaa yo,
4 Yɛnŋɛlɛ li yinnɛ lo lìlan gbegele, Yawa pi ni fuun fɔ wi yɔn tifɛlɛgɛ ko kìgi kan mi yɛn yinwege na.
5 Na kaa pye ma mbe ya mbanla yɔn sogo,
6 Wele, mi naa mboro ni we yɛn ja Yɛnŋɛlɛ li yɛgɛ na,
7 Ki kala na, kii daga ma sunndo wila kɔɔn maa seri na yɛgɛ sɔgɔwɔ,
8 Mà para, na nuŋgbogolo yɛn ki sɛnrɛ ti na,
9 Mà yo fɔ: «Mi yɛn kpoyi ma pye kapege fu,
10 Konaa ki ni fuun, Yɛnŋɛlɛ li yɛn nala jɛrɛgisaga jaa,
11 Lìlan tɔɔrɔ ti le ŋgbɛɛrɛ na,
12 Mi yɛn nɔɔ yɔn sogo Zhɔbu naga yuun ma kan fɔ tanga woro ma yeri wa ki kala na li ni,
13 Yiŋgi na ma nɛɛ kendige woo li ni,
14 Yɛnŋɛlɛ li ma para yɛgɛ ka na wagati wa ni,
15 Li ma para sɛnwee wi ni wɔɔnrɔ na, naa yariyanra ni yembinɛ,
16 Ko sanga wowi li ma sɛnrɛ le sɛnwee piile pe nuŋgbolo,
17 jaŋgo mbe sɛnwee wi laga wi kapyere tijangara ti na,
18 Ki ka pye ma, wi yaa wi yɛɛ shɔ fanga ki kɛɛ,
19 Mbe taga wa ko na, Yɛnŋɛlɛ li ma yama tɛgɛ ma lere wa koro, mboo ta sinlɛsaga wa wi fuuro ti na;
20 Yaakara tila tanla wi yɔn naa,
21 Wi ma cɔgɔ ma cɛn kɛkɛlɛkɛ,
22 Ko sanga wo ni, wi ma yɔngɔ fanga ki ni,
23 Ɛɛn fɔ, na ki ka pye mɛrɛgɛ wa yɛn le ki naŋa wi tanla,
24 na ko mɛrɛgɛ wo kaa yinriwɛ ta, mbe Yɛnŋɛlɛ li pye fɔ:
25 Kona wi wire ti ma kanŋga ma pye paa wi punwɛ sanga wire ti yɛn,
26 Wi ma Yɛnŋɛlɛ li yɛnri, li maa yɛnrɛwɛ pi logo;
27 Ki lerefɔ wi maa yuuro koo leele pe yɛgɛ na na yuun fɔ:
28 Yɛnŋɛlɛ lìlan shɔ, jaŋgo mi ka ka tigi wa fanga ki ni,
29 Wele, Yɛnŋɛlɛ lo li maa ko ki ni fuun ŋga ko piin sɛnwee wi kan,
30 jaŋgo mbe sɛnwee wi yinwege ki shɔ mbege wɔ wa fanga ki ni,
31 Koni Zhɔbu, nuŋgbolo jan ma logo na yeri,
32 Na kaa pye sɛnrɛ yɛn ma yeri mbanla yɔn sogo, ti yo!
33 Na kaa si pye sɛnrɛ si woro ma yeri, ma logo na yeri!