1 Kona, a Zhɔbu wì si Elifazi wi yɔn sogo ma yo fɔ:
2 Ali ma pan ma gbɔn, na kayaŋga ki yɛn na seregi na kee yɛgɛ,
3 Ɛnhɛn! Ndɛɛ ki pye Yɛnŋɛlɛ li yɛn laga ŋga na migi jɛn,
4 Mi jɛn na kari sanla kala li yɛgɛ yo, mbanla tanga ki naga,
5 Sɛnrɛ nda li jɛn na yo mbanla yɔn sogo, mi jɛn nari jɛn;
6 Naga yɛn ma, li yaa li fanŋga ki ni fuun ki tɛgɛ mbe win na ni wi le?
7 Li jɛn naga jɛn fɔ lesinŋɛ wawi wi yɛn na para li ni;
8 Ɛɛn fɔ na mi ka kari wa yɔnlɔ yirisaga kɛɛ yeri, li woro wa ma,
9 Naga yɛn ma, li kɛɛ yɛn ma yanra tunŋgo ka na wa yɔnlɔparawa kamɛŋgɛ kɛɛ yeri wi le? Ayoo mi seli yan wa ma.
10 Konaa ki ni fuun, mi yɛn na tanri konɔ na na, lìli jɛn;
11 Katugu mi yɛn na tanri wa li tulugo ki ni suyi;
12 Mii je mbaa tanri li ŋgasegele ke na;
13 Ɛɛn fɔ na li ka kala na kɔn mbe tɛgɛ, ambɔ wi mbe ya mbeli kanŋga.
14 Ŋga lì kɔn ma tɛgɛ na kanŋgɔlɔ, ko li yaa pye,
15 Ki kala na, na sunndo wi yɛn na kɔɔn na na wa li yɛgɛ sɔgɔwɔ;
16 Yɛnŋɛlɛ lo lìlan fanŋga ki kɔ na ni,
17 Konaa ki ni fuun, ali mbege ta diwi ye na na, kii na yɔn ki tɔn na na;