1 Kona, a Zhɔbu wì si Zofari wi yɔn sogo ma yo fɔ:
2 Ye nuŋgbolo jan, yanla sɛnrɛ ti logo jɛŋgɛ,
3 Yanla kala li kun ye yɛɛ ni, jaŋgo mbe para,
4 Naga yɛn ma, na kayaŋga ki yɛn sɛnwee wo ni wi le?
5 Ye kanŋga yanla kala li wele, ki yaa to ye yɔn na,
6 Na mi kaa sɔnri na yɛɛ kala li na, na sunndo wi maa kɔɔn na na,
7 Yiŋgi na lepeele pe si yɛn yinwege na?
8 Pe setirige piile pe ma yiri ma fanŋga ta pe yɛgɛ na, ma pye le pe ni;
9 Yɛyinŋge ki yɛn wa pe yinrɛ ti ni, fyɛrɛ kpɛ woro pe na;
10 Pe napɛnɛ pe ma pye fanŋga ni, na siin nanɛɛlɛ pe na;
11 Pe ma pe piile tumɔmbɔlɔ pe yaga pe maa fee na mari paa simbaŋgbelege yɛn;
12 Pe maa yuuro koo na pimbigile naa juruye gbɔɔn,
13 Pe ma pe yinwege ki pye wa fɛrɛwɛ pi ni,
14 Ma sigi ta, poro pàa pye naga yuun Yɛnŋɛlɛ li kan fɔ: «Ma yɛɛ laga lali we ni,
15 Ambɔ wi yɛn yawa pi ni fuun fɔ wo, we sila wi gbogo?
16 Mbe sigi ta, ki leele pe fɛrɛwɛ pi woro poro jate kɛɛ.
17 Naga yɛn ma, ki yɛn kaselege fɔ lepeele pe yinwege fitanla wi ma figi fyaw le?
18 Leele pe maa ki yuun ma yo fɔ ki daga pe pye paa yan waga yɛn, ŋga tifɛlɛgɛ ki maga lɛ,
19 Ye maa ki yuun ma yo fɔ Yɛnŋɛlɛ li yaa ka lepee wi kapere ti fɔgɔ tɔn wi piile pe na;
20 Ki ja daga lepee wuu yɛɛra jɔlɔgɔ kagala ke yan yɛnlɛ ni,
21 Na wi yinwege kiga ka kɔ mbe wɔ wa,
22 Lere se ya mbe jɛnmɛ naga Yɛnŋɛlɛ li na,
23 Lere wa ma ku mboo ta wi witige fanŋga ki ni bere,
24 Wi ma gbɔgɔ ma liri wi kanŋgaya yi na,
25 Lere wa yɛgɛ ma ku wi nawa pi ni pì tanga wi na,
26 Ɛɛn fɔ ki leele shyɛn pe ni fuun pe ma ye wa fanga ki ni,
27 Ye wele, mì ye nawa jatere wi jɛn,
28 Ye maa ki yuun ma yo fɔ: «Ki naŋa fanŋga fɔ wi go ki yɛn se yeri yiŋgɔ?
29 Naga yɛn ma, ye sila kondorowolo pe yewe wi le?
30 Jɔlɔgɔ ki panmbilige, lepee wi ma shɔ ki kɛɛ,
31 Ambɔ wi mbe ya yere wi yɛgɛ sɔgɔwɔ mboo jɛrɛgi?
32 Na wi ka ku, pe maa gboo wi lɛ ma kari wi ni wa fanra ti ni,
33 Leele pe ni fuun pe ma taga wi gboo wi puŋgo na,
34 Naga yɛn ma, ye mbe ya mbanla kotogo ki sogo mɛlɛ ye sɛnwara ti ni?