1 Ta S'oossaw, ta S'oossaw, taana ayaw aggaadii?
2 Abeet ta S'oossaw, gallassan ubbaan taani new waassay;
3 Gidooppenne, neeni geeshsha.
4 Kase nu aawotuu neenan ammanetteedino;
5 New waassiide atteeddino;
6 Shin taani asaa gidikke; taani gus'uniyaa.
7 Taana be'iyaa ubbatuu k'id'iino;
8 Yaatooppe, «I Med'inaa Godaan ammanetteedda;
9 Gidooppenne, taana ta aatti uluwaappe suure yeliseeddawe neena;
10 Taani yelettoodeppe doommaade neenan dic'c'aad;
11 Metuu taakko matiyaa dirawunne
12 Daro morkketuu koruma booratuwaadan taana dooddiino;
13 Mentsereetsiyaanne gudiyaa gaammuwaadan
14 Taani haatsaadan goggaad;
15 Ta k'ood'ii kon"aadan melee;
16 Kanatuu taana te"eeddino;
17 Ta mek'etsatuwaa ubbaa taan payday.
18 Ta mayuwaa shaakki akkiino;
19 Abeet Med'inaa Godaw, neeni taappe haakkoppa.
20 Taana mashshaappe ashsha;
21 Gaammotuwaa doonaappe taana ashsha;
22 Taani ne suntsaa ta ishatoo odana;
23 Hinttenoo, Med'inaa Godaw yayyiyaawanttoo, Aa galatite.
24 I naak'etteeddawantta kad'enna;
25 Taani neeni ootseedda lo"o oosuwaa diraw,
26 Hiyyeesatuu miide kallana.
27 Sa'aa gas'aa gakkanaw Asay ubbay
28 Ayaw gooppe, kaatetiyaa maatay Med'inaa Godaawaa;
29 Sa'aan de'iyaa dure asatuu ubbay
30 Yiyaa zeretsay aw kiitettana;
31 Biro yelettibeenna asaykka Aa s'illotetsaa odana.