1 Kaatiyaa naattidan lo"iyaanee!
2 Ne gul"ay woyniyaa eessay kumeedda birilliyaa malatee;
3 Ne d'antsatuu manttiyaa yeletteedda, gen"ati maratuwaa malatiino.
4 Ne k'ood'ii danggarssaa zaaliyaan alleek'k'etteedda adussa gimbbiyaa mala.
5 Ne huup'ii K'armmeloosa asaa malatee;
6 Ta siik'k'atee, ne ayaa lo"ay! Ne ayaa malanchchatii!
7 Ne geesay zambbaa geesaa malatee.
8 Taani, Ha zambbaa gi"ana; Aa maratuwaa oyk'k'ana yaagaad.
9 Ne yeruu mettershshatuwaappenne achchaappe gidduwaana,
10 Taani ta al"o siik'uwaanno; ikka taana amottee.
11 Ta siik'ow, haaya; laa"uu katamaappe kesiide biide,
12 Wontta guuran ane woyniyaa turaa giddo boytte;
13 Inkkoyiyaa ayifiyaa sawuunne hara nashechchiyaa ataakilttiyaa ayifii,