1 Be-de u̱n se̱nge̱-m na mo̱sse̱ u̱n Shir ne̱, te̱ ko̱no̱g no̱, taase no̱ go̱ks yar-mo̱ Shir, no̱ muut mo̱ hwaa.
2 Ho̱gu̱ no̱ yo Shir ze̱e̱ à,
3 Te̱ co̱n wu̱ ken wu̱ kum rii-yo u̱r-pu̱kse̱ u̱n se̱nge̱-m te̱ á. Remen kaane̱, te̱ rwo̱ rii-yo u̱r-pu̱kse̱ u̱n co̱w á.
4 Amba u̱n hek-de u̱n kaane̱, kap yo te̱ m-nom à, te̱ yo m-nom remen te̱ kututé̱ hun-ne̱ u̱nze te̱ ya-m-se̱nge̱-mo̱ Shir ye̱. Te̱ m-nom kaane̱ n-me̱ u̱r-jo̱o̱se̱, u̱n swo̱ u̱r-ko̱o̱b ne̱, m-rangse̱ ne̱, myet u̱n ko̱ de ke swo̱ u̱r-ko̱o̱b de.
5 A bu'ug te̱ m-dum, a ru̱ te̱ n-me̱ u̱n kuke̱-o̱ m-ke'et, komo a hoogu̱su̱ te̱ m-hoog u̱n 'yons u̱r-hur ne̱; te̱ no̱mo̱g se̱nge̱-mo̱ arage̱ 'wo̱ns-m te̱ à, te̱ taagu̱te̱ m-rew komo te̱ rewe̱ u̱n me̱r.
6 N-me̱ u̱n she'et-de ba m-ku̱ko̱p, u̱s-nap ne̱ se te̱ ro̱tte̱ à, u̱n 'mo̱ u̱r-hur u̱n gu hun-ne̱ ne̱, te̱ kutute̱ u̱nze te̱ yan-se̱nge̱-mo̱ Shir ye̱ be-de u̱n Ku̱kt-o̱ Shir, komo m-was ne̱ mo̱ o-nip.
7 Be-de m-rwo̱r u̱n ma-u̱t te̱ to̱ o-nip, be̱e̱b-de Shir ro̱ m-se̱nge̱ n-me̱ u̱n te̱. Kashi u̱r-she'et ro̱ u̱ntu̱n saw-to̱ u̱r-gu̱n u̱n te̱, u̱n kom-o̱ u̱r-re̱ u̱r-kwanta u̱n te̱ ne̱.
8 A te̱ m-se̱ps, a te̱ komo ne̱ m-yo'og, a te̱ bo̱m, a te̱ komo ne̱ u̱t-re̱e̱b. A mustu̱ te̱ ya-u̱t-bo̱, myet u̱n kaane̱ ne̱, te̱ m-rwo̱r o-nip.
9 Sa o zee a nap te̱ á, a nepstu̱ te̱ ne̱ u̱r-bon ne̱, u̱ntu̱n ye̱ ro̱ u̱n kom-to̱ mar à te̱ ro, te̱ ka ne̱ u̱n ho̱o̱g ne̱, a te̱ m-'ya u̱r-ko̱o̱b, amba a ho̱ te̱ á,
10 N-me̱ u̱n naase̱-mo̱ u̱t-me̱n, te̱ u̱n kum rii-yo o-zak. Ko̱ de̱ nomte̱ te̱tt rii á, kap u̱n kaane̱ ne̱, rem te̱ hun-ne̱ de̱e̱n kumug rii be u̱n te̱, sa o zee te̱tt rii á, amba ko̱yan yo ma te̱ yo.
11 Te̱ ru̱ru̱tu̱ no̱ u̱t-ma u̱r-hur sak no̱ Korinti-ne̱, komo te̱ upsu̱tu̱ no̱ hur-u̱r te̱ cas. Te̱ wuke̱ no̱ yo ken á, komo te̱ kutute̱ no̱ u̱nze te̱ waste̱ u̱n no̱ ne̱ de̱e̱n.
12 Ay, te̱ yage̱ no̱ á, no̱ ye̱ yage̱ ho'os u̱r-hur no̱ go̱ks te̱.
13 Me̱ u̱n ka ma-to̱ u̱n no̱ ne̱ bo̱ tato-o ro̱ u̱n nome̱ u̱n yakar-ye̱ u̱n wu̱ à. No̱ u̱n cen no̱, kutu te̱ no̱ was-m no̱.
14 No̱ mo̱sse̱ u̱t-hi u̱n hun-ne̱ ne̱ ye̱ ro̱ u̱n do̱r o̱ Shir á. ¿Kashi u̱n ne̱t a hoks m-she'et ba u̱t-ween u̱n ne̱t yo̱-wu̱ ne̱? ¿Ko̱ ne̱ ya mo̱sse̱ m-cu̱cas o-comb ne̱?
15 ¿Ya mo̱sse̱ Kiristi u̱n ko-Gwo̱mo-wu̱ u̱n ya-u̱t-ko̱t ne̱? ¿Ko̱ ne̱ ya mo̱sse̱ wan-dor o̱ Shir u̱n wu̱ ro̱ u̱n do̱r o̱ Shir ne̱ á?
16 ¿Ya mo̱sse̱ Pyo-o̱ Shir u̱n pyo-o̱ m-gir ne̱? Na Pyo-o̱ Shir o̱, o̱ u̱n ho̱o̱g. Bo̱ Shir ze̱e̱ à, “Man she'et mo̱sse̱ u̱n ye̱ ne̱, u̱m tu̱we̱ n-me̱ u̱n ye̱. Man warag Shir o̱ u̱n ye̱, ye̱ komo ye̱a warag hun-ne̱ re.”
17 “Yawe ze̱e̱g kaane̱,
18 “Yawe, wu̱ ro̱ Wa-u̱t-Gwo̱mo kap à,