1 Wakati uho, Hezekiya walumwa sana hadi achitsungurira kaburi. Nabii Isaya, mwana wa Amozi wakpwendamlola naye achimuamba, “Mwenyezi Mlungu anaamba, ‘Lavya wasiya wa mwisho mana kundaphola, undafwa.’ ”
2 Hezekiya wagaluza usowe ukutani na achimvoya Mwenyezi Mlungu achiamba,
3 “Uwe Mwenyezi Mlungu, nakuvoya utambukire vira nrivyokuhumikira kpwa uaminifu, na kpwa moyo wangu wosi, na kuhenda manono mberezo.” Naye Hezekiya achirira sana kpwa utsungu.
4 Ndipho neno ra Mwenyezi Mlungu richimwedzera Isaya kuamba,
5 “Phiya ukamuambire Hezekiya kukala, ‘Mwenyezi Mlungu anakuamba hivi, Mwenyezi Mlungu, Mlungu wa mkareo Daudi, nkasikira voyoro na nkaona matsozigo. Lola ndakuenjerezera miaka kumi na mitsano ya maishago.
6 Nami nindakukombola uwe na mudzi uhu na niurinde kula kpwa mfalume wa Ashuru.’
7 “Hino ndiyo ishara kula kpwa Mwenyezi Mlungu kpwako kukala dzambo hiri arirogomba andaritimiza:
8 ‘Lola, nindahenda chivurivuri cha dzuwa ra kutswa chiuye nyuma nyago kumi kpwenye ngazi ya Ahazi.’ ” Naro dzuwa richiuya nyuma nyago kumi.
9 Hezekiya mfalume wa Juda ariphophola, waandika maneno higa:
10 Mimi naamba, “Kpwa utu wani nikatirwe umuri?
11 Nami nchiaza, “Vino sindamuona tsona Mwenyezi Mlungu,
12 Nyumba yangu ikangʼolwa na kuhalwa
13 Náririra msada hadi ligundzu,
14 Nárira dza mbayumbayu au korongo,
15 Vivi sina ra kugomba;
16 Ee Mwenyezi Mlungu, kpwa manenogo na mahendogo atu nkukala moyo;
17 Kpwa kpweli kala nateseka kpwa fwaida yangu
18 Mbira taiweza kukushukuru,
19 Ario moyo ndio awezao kukutogola,
20 Mwenyezi Mlungu andanitivya,
21 Kabila ya higa Isaya kala akaamba, “Naahale gande ra tini aribandike pho iphuni, naye andaphola.”
22 Mana Hezekiya kala akauza, “Ni utu wani ndiokala ishara kukala nindaambuka nkainjire nyumba ya Mwenyezi Mlungu?”