1 Phahi Musa na Aiziraeli amuimbira Mlungu wira hinyu:
2 Mwenyezi Mlungu ndiye mkpwotse na nguvu yangu
3 Mwenyezi Mlungu ni sujaa wa viha,
4 Magari ga kuvwehwa ni farasi ga Farao na anajeshie akaahosa baharini.
5 Vivwa vya madzi vyaabwiningiza,
6 Mkpwonoo wa kulume uwe Mwenyezi Mlungu una nguvu za nguma.
7 Kpwa ukuluo wa nguma ukuangamiza akupingao,
8 Wakuta pulayo, nago madzi gachidzipanga dzulu
9 Adui wadzikarya achiamba,
10 Ela wareha phutoro naro richipiga, nago madzi ga bahari gachiabwiningiza,
11 Kahi za milungu, ni mlungu yuphi ariye dza uwe, Mwenyezi Mlungu?
12 Wahumira nguvuzo na tsi ichimiza maadui gehu.
13 Kpwa mendzwayo isiyosika undalongoza nyo atu urioakombola.
14 Mataifa gakasikira na ganakakama kpwa wuoga;
15 Akulu a Edomu akaogofyerwa.
16 Ao akagbwirwa ni wuoga na wasiwasi.
17 Undaareha wedze uaike dzulu ya mwangoo mwenye,
18 Nawe Mwenyezi Mlungu utawale hata kare na kare!”
19 Aiziraeli avyoga tsi kavu pho kahi-kahi ya bahari hata achivuka. Ela farasi a Farao, magarige ga kuvwehwa ni farasi na aphirikie, ariphokala kahi-kahi ya bahari, Mwenyezi Mlungu wauyiza madzi ga bahari gachiabwiningiza.
20 Phahi Miriamu, nabii wa chichetu, ndugungbwa wa Aruni wagbwira tamburini mwakpwe mkpwononi, na achetu anjina osi achihala tamburini zao achimlunga kuno anazipiga na kuvwina.
21 Na Miriamu achiaimbira wira uambao,
22 Ariphouka Bahari ya Shamu, Musa waalongoza Aiziraeli hadi achiinjira jangbwa ra Shuri. Asafiri siku tahu ko jangbwani, bila kuona madzi.
23 Aphiya hadi achifika phatu phoihwa Mara, ambako aona madzi, ela gakala ga utsungu, kpwa hivyo taayaweza kuganwa. (Hicho ndicho chisa cha phatu hipho phaihwa Mara, manage Chieburania ni utsungu.)
24 Aiziraeli amnungʼunikira Musa na achimuuza, “Vino hundanwani?”
25 Musa wamvoya Mwenyezi Mlungu kpwa moyowe wosi, naye achimuonyesa Musa chipande cha muhi, ambacho wachitabwisa ndani ya madzi, nago gachikala manono kunwa.
26 achiamba, “Mchiphundza sauti yangu kpwa makini na kuhenda garigo sawa, na mchiphundza amuri na kulunga malagizo gangu, sindakureherani makongo dza nrigoarehera Amisiri. Mana mimi, ndimi Mwenyezi Mlungu, Mlungu wenu, ambaye nkukuphozani.”
27 Bada ya kuuka Mara, Aiziraeli afika Elimu, ambako kala kuna vidzuho kumi na viiri na mitende mirongo sabaa na achichita kambi phephi na go madzi.