1 अन्ताकिया न मंडळी मा थुड़ाक कागळिया आरू शिक्षा देने वाळा हुता; मतलब बरनबास आरू शमौन जो नीगर कहवाये; आरू लुकियुस कुरेनी आरू चौथाई देश न राजा हेरोदेस न दुधभाईस मनाहेम आरू शाऊल।
2 जव त्या उपवास करीन पोरबुन भक्ति करता हुता, ती चुखली आत्मा कयी, मार जुगु बरनबास आरू शाऊल क तीना काम जुगु अलग करो जिना जुगु हाव हेनको बुलावलो सी।
3 तव त्या उपवास आरू विनता करीन आरू हेनको उपर हात हावलीन हेनको मुकली दिदा।
4 शेवली कावा त्या चुखली आत्मा न मुकेलने सी सिलुकिया गया; आरू वा सी जाहाज पर चढ़ीन साइप्रस भेणी चालिया।
5 आरू सलमीस मा पुगिन, यहोवा भगवान, क वचन यहूदि या न आराधना घरो मा समळाड़ियो; आरू यूहन्ना हेनका चाकरीयो होतो।
6 आरू तिना आखा टापु मा सी होईन, पाफुस तक पुगिया। हया हेनको बार–ईशु नामक एक यहूदि जादू टुना आरू झुठी ओगवायती वात करने वाळो कागळीयो हावळियों।
7 आरू होकदार सिगियुस पौलुस न साते होतो, जो अकाल वाळो मानुस होतो। त्यो बरनबास आरू शाऊल क आपसी पास बुलावीन यहोवा–भगवान न वचन समळावने चाहतलो।
8 बाकीन एलीमास जादूगर हेनको सामनो करीन, होकदार क विश्वास करने सी रूकने चाहतलो।
9 तव शाऊल जिनाक नाव पौलुस भी सी, चुखलो आत्मा सी भराइन हेर तरफ एक सारको भाळीन कयो,
10 ए आखी कपट आरू चालाक सी भरायला शैतान न ओवलियाद, सकल न्यायन दुस्मन, काय तु पोरबु क सुतरी वाट क आड़ी करनो नी छुड़े?
11 हाय देख पोरबुन हात तार पर पड़लो सी; आरू तु थुड़ाक टेहाव तक आंधळो रहीस आरू दाहड़ा क नी देखे। तव तत्काळ धुंदळो आरू आंधारो हेका पर होय गयो, आरू त्यो अथोन अथो टुटळाने लागियो कि कोय हेका हात धरीन ली जाय।
12 तव होकदार जो काय होयलो होतो, देखीन आरू पोरबुन शिक्षा सी घाबरायीन विश्वास करियों।
13 पौलुस आरू हेको साती पाफुस सी जाहाज खुलीन पंफूलिया न पिरगा मा आश; आरू यूहन्ना हेनको छुड़ीन यरूशलेम मा जात रयो।
14 आरू पिरगा सी ओगा जाईन पिसिदिया न अन्ताकिया मा पुगिया; आरू आराम न दाहड़े मंदिरो मा जाईन बस गया।
15 व्यवस्था आरू कागळिया न किताब सी भेणनेन ओळतेन मंदिरोन सरदारियाँ हेनके पास कय मुकलिया, “ए भाईस्यो, कदाम लोगहन न शिक्षा जुगु तुमरा मन मा काहय वात होय ती कहवु।”
16 तव पौलुस उबो होईन आरू हात सी सोहळणी आपीन कयो, ए इस्त्राएली, आरू यहोवा–भगवान सी बीक राखने वावा समवु,
17 या इस्त्राएली लोगहन क यहोवा–भगवान हामरा डाहडा क निवाड़ लेदा, आरू जव या मिस्र देश मा परदेशी होईन रहता हुता, ती हेन्दरी बढ़ती होय; आरू ताकत वाळा हातों सी निकाळ लायो।
18 आरू त्यो चाळीस साल तक जंगल मा हेनकी मदत करियो,
19 आरू कनान देश मा सात जातिया क नाश करीन हेनको देश लग–भग साढ़ी चार सौ साल मा हेनकी विरासत मा कर दियो।
20 ओळतेन त्यो शमूएल कागळिया न तक हेका मा न्यायी बने।
21 एरेन ओळतेन त्या एक राजा मांगीया; तव यहोवा–भगवान चाळीस साल जुगु बिन्यामीनन घराना माईन एक मानुस किश क पोर्या शाऊल क हेन्दरे पर राजा बनाड़े।
22 ओळतेन हेके अलग करीन दाऊद क हेन्दरो राजा बनाड़े; जिना बारा मा त्यो गवाय आपलो, हावखे एक मानुस, जो यिशै क पोर्या दाऊद मारा मनन अनसारे जोड़ गयलो सी त्योत् म्हारी आखी मरजी पुरी करसी।
23 ओकीत् ओवलियाद माईन यहोवा–भगवान म्हारी प्रतिज्ञा बुलन अनसारे इस्राएल क पास एक छुड़ावने वाळाक ईशु क मुकलियो।
24 जिनाक आवने सी पेहेल यहुन्ना आखा इस्त्राएली क मन पछतावान बपतिस्मा क परचार करियों।
25 आरू जव बपतिस्मा देनेवावो यहुन्ना आपसी सीवा पूरी करने पर होतो, ती त्यो कयो, “तुमु हावखे काय समझु? हाव त्यो नी होय! पर देखु मारेन ओळतेन एक आवने वाळो सी, जिना पायन खासड़ा भी छुड़ने भी हाव योग्य नी सी।”
26 ए भाईस्यो, तुमु जो अब्राहम न पोर्या सी; आरू तुमु जो यहोवा–भगवान सी बीक राखे, तुमरे जुळ इना उध्दारन वचन आवलो सी।
27 काहकि यरूशलेम मा रहवने वाळा आरू हेन्दरा सरदारिया नी हेके उळखिया आरू नी कागळियान वातक समझिया; जो हर आरामन दाहड़े भणे, हेरेन करीन हेके दोषी बनावीन हेनको पूरो करिया।
28 त्या मार नाखने जुगु त्या हेका मा काय दोष नी देखिया, तेबी पिलातुस सी रावन्या करिया, कि हेनाक मार देय।
29 आरू जव त्या हेका बारा मा लिखली आखी वात पूरी करिया, ती हेके कुरूस पर सी उतारीन बीड़ा मा हावलिया।
30 पर यहोवा–भगवान हेको मरेला माईन जीवतो करियों,
31 आरू त्यो हेनको जो हेका साती गलीली सी यरूशलेम मा आश हुता, घणा दाहड़ा तक देखाम पड़तो गवा रयो
34 आरू हेकी इनी रीति सी मरेला माईन जीवाड़ने बारा मा भी कि त्यो कदी नी सड़े,
35 अतरानकरीन त्यो एक आरू भजन मा भी कयलो सी,
36 काहकि दाऊद ते यहोवा–भगवानन मरजी न अनसारे आपसा टेहाव मा चाखरी करीन सुय गयो, आरू आपसा डाहडा मा जाईन भेसकाय गयो, आरू सड़ी भी गयों
37 बाकीन जिनाक यहोवा–भगवान जीवाड़ियों, त्यो सड़ियो नी।
38 अतरानकरीन ए भाईस्यो तुमु जान लेय कि ईशु न लारे पापोन माफी क खबर तुमक दि रया सी।
39 आरू जीनी वात सी तुमु मूसान नियम न लारे निर्दोष नी ठहर सकतला हुता, तिना आखा सी विश्वास करने वाळा हेके लारे निर्दोष ठरसे।
40 अतरानकरीन चोकचौळीया रहवो, असो नी हुयो कि जो कागळिया न किताब मा लिखलो सी, तुमरे पर भी पड़े;
42 हेन्दरे बाहर निकळनेन टेहाव लोगहन हेका सी विनता करने लागे, कि अगला आरामन दाहड़े हामुक यी वात ओळी समळाड़े।
43 आरू जव आराधना घर उठ गय ती यहूदि या आरू यहूदि मत मा आवला भक्त माईन घण सवटा पौलुस आरू बरनबास पोछळ होय लेदा; आरू त्या हेनको वात करीन समझड़िया, कि यहोवा–भगवानन दया मा बनला रहवु।
44 अगला आरामन दाहड़े नगरन आखा लोगहन यहोवा–भगवान क वचन समळने करीन एखठा होय गया।
45 पर यहूदि गर्दी क देखीन किचवाय गया, आरू निंदा करीन पौलुसन वातन विरोध मा कयनो लागिया।
46 तव पौलुस आरू बरनबास निडर होईन कयो, “छाचो सी की यहोवा–भगवान न वचन पेहेल तुमूक समळाड़ियो जातो; बाकीन जव तुमु हेके दूर कर रया, ती आपसा क वारला जीवनन योग्य नी बनावु, ती हाय हामु गैरयहुदी भेणी फिरे।”
47 काहकि पोरबु हामुक यु हुकुम आपलू सी,
48 यो समळीन गैरयहुदी खुश हुयो आरू यहोवा–भगवान न वचन न बढ़ाई करने लागिया, आरू जतरा अमर कायान जीवन जुगु ठहरावला हुता, त्या विश्वास करिया।
49 तव पोरबु वचन तुना आखा देश मा फैलने लागियो
50 बाकीन यहूदि या न भक्त आरू कुलीन स्त्रीया क नगरन खास लोगहन भड़कयो आरू पौलुस आरू बरनबास पर झगड़ो करावनो करावने हेनको आपसी सीमा सी बाहर कर दिदा।
51 तव त्या हेन्दरे ओगव आपसा पायन धुवु झाटकीन इकुनियुम मा जात रया।
52 आरू चाकरीयो खुशी सी आरू चुखली आत्मा सी भरायता रया।