1 हापतान पेहले दाहड़े मरियम मगदलीनी भोळ भाका क आँधरोत होतो ची बीड़ान चाँ आवी, आरू दगड़ा क बीङा पर छे अथो होयलो देखी।
2 तव ची दवड़ीन आवी आरू शमौन पतरस काजे आरू तीना दिसरा चाकरीयान जु आवीन कयी जिना ईशु मोंग राखतो होतो, “त्या पोरबु क मोड़वाट्याम रईन नीकाळ ली गया; आरू हामु नी मालम होय, कि हेको काँ मेल दिदा।”
3 तव पतरस आरू दिसरो चाकरीयो निकळीन तीना बीङा हेर आया।
4 आरू दूय जन साथ मा दौवङया। बाकी दिसरो चाकरीयो पतरस रईन मोळवट्याम जु पेहेल पुग्या।
5 आरू नेचो भाळीन छिंदरा पड़ रहवला देख्यो; ते भी त्यो माहयतो नी गयो।
6 तव शमौन पतरस हेको पोछळ–पोछळ गयो आरू भीतङान बनला बीङा न माहय गयो आरू छिंदरा पड़ रहवला देखियो।
7 आरू त्यो फेटको जो हेका मुनका पर बांधलो होतो, छिंदरान पुठी नी पर एक धरती पर एखटो होयलो देखियो।
8 तव दिसरो चाकरीयो भी जो बीङा पर पेहल गयो होतो, माहतो गयो आरू विश्वास करियो।
9 त्या ते हाय तक चुखलो शास्त्रन ची वात नी समझिया हुता, कि हेको मरला माईन जीवतो होयनो पड़से।
10 तव या चेला आखा आपसे–आपसे घर गया।
11 पुन मरियम रोङती जाईन बीङा न साते बाहर ऊबी रयी आरू रङती जाईन बीङा वोखे नेची होईन,
12 दूय सोरगदूत क जुगाळा छिंदरा पेहरला एक क सिरहाने आरू दिसरा क पैताने पर बठलो देखी, वा ईशु न धोङ पड़लो होतो।
13 चाँ हेका से कयो, “ओ बाई, तु काँ रङ रया?” ची हेनको कयी,
14 यो कहीन ची पछी फिरी आरू ईशु क उबरयलो देखी आरू नी ओळखी कि यो ईशु छे।
15 ईशु हेके कयो, “ओ बाई जात तु काँ रोङे? कुनीक हेरे?”
16 ईशु हेके कयो, “मरियम!”
17 ईशु हेके कयो, मेखे मा छिमे काहकि हाव हाल तक बासोन त्या ऊपर नी गयो, बाकुन म्हारा भाईस्यो न पास मा जाईन कय दे, कि हाव म्हारा बास, आरू तुमरा बास, आरू आपसा यहोवा–भगवान न पास ऊपर पास जाम।
18 “मरियम मगदलीनी जाईन चाकरीयो जाईन यी वात कयी, हाव भी पोरबु क देखी आरू त्यो म्हार से वात करियो।”
19 तीने दाहड़े जो हापता क पेहलो दाहड़ो हतो, शान्तो हुयने न टेम पर जव चाहे वाळा झोपला वा चाकरीयो हुता, यहूदिया से बीहिन माहायता बंद हुता, तव ईशु आयो आरू वीच मा ऊबो हुयो आरू हेनको कयो, “तुमूक शांती जोड़े।”
20 आरू यो कहवीन त्यो आपसो हात आरू पंजो हेनको देखड़ियो: तव चाकरीयो पोरबु देखीन खुश होय गया।
21 “ईशु ओळी हेनको कयो तुमूक शांती जोड़े; जोसो बास मेखे मुकलियो, ओसोत् हाव भी तुमूक मुकलो।”
22 यो कहवीन त्यो हेन्दरे पर फूँकियो आरू हेनको कयो, चुखलो आत्मा लेय।
23 जिना पाप माफ करो त्या हेन्दरे जुगे माफ होय गया; जिना तुमू राखो, त्या राखला छे।
24 पर बारा माईन एक चाकरीयो थोमा जो दिदुमुस कवाये, जव ईशु आयो तव ओको साते नी होतो।
25 जव त्या चाकरीयो यो कयनो लागिया हेके कि “हामु पोरबु देखिया” तव त्यो हेनको कयो,
26 बाकुन आगठा दाहड़ा न बाद मा हेका चाकरीयो ओळी घरन माहयता हुता, आरू थोमा ओको सात मा होतो, आरू झोपलो बंद होतो, तव ईशु आवीन आरू वीच ऊबो होईन कयो, “तुमूक शांती जोड़े।”
27 “तव त्यो थोमा क कयो, तारी आँगळी या लावीन म्हारा हातोन क देखा आरू तारो हात लावीन म्हार पंजा मा डाल आरू विनभुरसीया नी पर भुरसा वाळो होय।”
28 यो सोमळीन थोमा जोवाब आपियो, “ए म्हारा पोरबु, ए म्हारा यहोवा–भगवान!”
29 ईशु हेके कयो, “तु ते मेखे देखीन विश्वास करियो पर सयालो छे त्यो जो वीन देखे म्हार पर विश्वास करिया।”
30 ईशु आरू भी घण सचटी सोहलाहनी चाकरीयो न क सामने देखड़ियो, जो इनी किताब लिखली नी होय।
31 पर यो एरेन करिन लिखी छान्डीयो कि तुमू विश्वास करो, कि ईशु ही यहोवा–भगवान न पोर्यो छे: आरू विश्वास करिन हेका नाव से विश्वास करिन जीवन जुड़से।