6 Ga banha dhanal nhangu guyurr'miŋum warra bitjuwayiŋ ḏämbu-manapanminam bala dhanal Djesunham dhä-wirrka'yuwanan bitjanan, “Garray nhän?...dhaŋun banhayam walu banha nhunu ŋarru nhunupin bitjuwayiŋ buŋgawayi Yitjuralwum bäpurruwu?”
7 Ga nhanmam Djesum dhanaliŋgu ḏämbu-ḏirrunmaran bitjan, “Nhanguway yana banhayam Bäniwu walu...ŋangawul dhaŋu nhumam ŋarru djinakuyam waluwu marŋgiyi.
8 Ŋarru Dhuyu-Birrimbirrma ŋarru waythun nhumaliŋgu bala nhan ŋarru ganydjarrma nhumaliŋgu guŋana bala nhuma ŋarru ŋarra rakaraman yolŋuwum warrawu nyäkuruynha djinal Djurutjalam ga djinal Djudiya makaŋa waŋgalaŋa ga Djamariya waŋgalaŋa, ga biyapul nhuma ŋarru ŋarray buku-ḻiw'yumun djinal munatha'ŋam waŋgalaŋa bala nhuma barkthu ŋarray rakaraŋun yolŋuwuḻim warrawuḻ nyäkuruynha.
11 Ga bitjanan dhupal banha garruwanam, “Nhuma yolŋu warra ŋirrima Galaliwuy warra,..nhäwu nhuma gayŋa dhaŋu dhupumam garramatḻim? Ḻinygun nhan ŋunha God-Waŋarryum warraṯthuwanan Djesunham djiwarr'ḻin, ŋarru nhan barkthu biyapulya bitjuwayiŋ ḏirru räli bitju yana ḻinygu banha nhalpiyan nhuma nhäŋal nhanay ŋarranharaḻi bala djiwarr'ḻi.