1 Israe ngeni yofi debisia, “KEBUNGO nenanggoc mi kecbacfu neni dafi ambesonga obohobing.”
2 Ngic yeneng yacma nunubeso anggec, imohai KEBUNGO nenanggoc mi kecbacfu
3 yeneng nenanggac herebu kuneng negemma gboringoc gbokonunubau.
4 Tunggbaungngo meicnunubac me doku dundungngo nebucnunubau.
5 Amma dokutoa kucnginagoc yeneng semenunudacbau.
6 KEBU keneheni. Ye onggonnunuu yeneac enacfu mi ening.
7 Uficngic yeneng ufic faigec nga nengngo uficfunac woraande, ifi isoc woraing. Ufic imoc barackeu uficfunac woraing.
8 KEBUNGO kurumeng nga bangec meficgeec. Nga memeficnina imoc yeac kpacfu fede.