1 N dheebhang ‑nu, 'wɔn 'ö 'ma 'yaanu 'a n ‑zʋ gɔn‑ 'ka ‑kpɛawo Zuifö ‑nu ‑wɔn 'gü, 'ö 'a ꞊bhɛa Atanna ‑dhɛ ‑a ‑wɔn 'gü, yö ‑mü ꞊dhɛ kö ‑wo dha.
2 ‑A 'klɔɔ‑ ‑mü ꞊dhɛ a 'dhang ‑bho "dhiʋ̈ 'kpakpadhö 'a ꞊mɔɔ‑ ‑bha 'a‑ "sɛɛdhɛ ‑kë ‑a ‑nu ‑bha ꞊dhɛ Atanna ‑dhɔkë ‑sü ‑pɛng ‑yö ‑dɔ ‑nu ‑ta, "kɛɛ ‑a 'gü ꞊në 'wii‑ ma.
3 ‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ ‑kɔ 'ö Atanna ‑yö mɛ ‑kë 'ka "slʋ̈ʋ̈slʋ̈ ö wëëdhö bha, 'wii‑ 'gü ma, 'yö woo ꞊dede 'wo dho 'wo wo ‑dɩ ‑kë "slʋ̈ʋ̈slʋ̈ "slë ꞊mɔɔ wo ‑dɩ ‑dhɛ.
4 ‑A 'dhɛ 'ö 'wii‑ 'gü ma bha yö ‑mü ꞊dhɛ Klisi ‑bha nu ‑sü bha, 'yö ‑kë Moizö ‑bha 'tɔng‑ ‑nu ‑gɔ ‑da 'plöö ‑sü 'ka. Yö ꞊në‑ ‑wɔn 'gü, 'yö mɛ "ʋʋ mɛ 'ö ꞊ya 'dhang bho yö ‑zë ‑wɔn "dhiʋ̈ "tʋ̈ng 'dhɛ 'kwa dɔ‑ 'ka ya‑ 'gü, kö ꞊ya kë "slʋ̈ʋ̈slʋ̈ Atanna wëëdhö.
5 ‑A pö 'a‑ wo "dhʋ̈ bha‑ ‑gɛn ‑mü ꞊dhɛ 'pë 'ö Moizö ‑ya ‑bɛn zë 'ö ‑gban ‑kë "slʋ̈ʋ̈slʋ̈ ‑sü 'ö Atanna wëëdhö ‑a ‑bha 'tɔng‑ 'kun ‑sü "gblʋʋ "piʋ̈ ‑kaa ‑ga 'ö ya. ‑Ya ‑pö:
6 "Kɛɛ 'yö ‑kë "slʋ̈ʋ̈slʋ̈ ‑kɔ 'dhɛ 'ö 'dhang ‑bho Yesu "dhiʋ̈ ‑sü "gblʋʋ "piʋ̈ bha, 'pë 'ö‑ pö ‑kaa ‑ga 'ö ya, ‑ya ‑pö:
7 'Sa 'ka 'dho ka ‑zʋ 'gɔn 'zü 'ka‑ pö:
8 'Yö ꞊ya kë "dhʋ̈ kö Atanna ‑wʋ ‑ya ‑pö ꞊dhɛ 'sa? 'Pë 'ö‑ pö yö ‑mü ꞊dhɛ:
9 ꞊Ya kë ꞊dhɛ 'bha‑ "kan i "dhi 'ka mɛ ꞊gban "yaan ꞊dhɛ Yesu bha mɛ ꞊gban Dëmɛ ‑mü, kö 'i 'dhang bho‑ "dhiʋ̈ 'kpakpadhö i zuë" "piʋ̈ ꞊dhɛ Atanna ꞊yaa‑ bho ga 'gü ꞊yaa‑ ‑bö, i ‑dho dha.
10 ‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ 'mɛ 'ö ꞊ya 'dhang bho Yesu ‑wɔn "dhiʋ̈ ö zuë" "piʋ̈, 'yö Atanna ‑ya kë "slʋ̈ʋ̈slʋ̈ ö wëëdhö. 'Mɛ 'ö ꞊yaa‑ "kan ö "dhi 'ka ꞊dhɛ Yesu bha mɛ ꞊gban Dëmɛ ‑mü, 'yö Atanna ‑ya ‑mɛ dha.
11 ‑A ‑gɛn ‑mü ꞊dhɛ ‑a ‑wʋ ‑ya ‑pö ꞊dhɛ:
12 ‑A ‑kë "dhʋ̈ ‑sü bha‑ 'gü, ‑naa 'bha ‑bha 'bha 'yaa Zuifö ‑nu waa‑ mɛ "wɛɛ ‑nu ‑a ‑nu ꞊zinng 'gü 'zü, ‑a 'klɔɔ‑ ‑mü ꞊dhɛ ‑a ‑nu ꞊gban Dëmɛ ‑yö do, yö 'ö "dhʋ̈ bha ꞊në 'wɔn ‑së ‑kë mɛ "pɛpɛ 'wo ꞊bhɛa‑ ‑dhɛ ‑a ‑nu ‑dhɛ.
13 ‑A 'klɔɔ‑ ‑mü ꞊dhɛ Atanna ‑wʋ ‑ya ‑pö 'ö‑ pö:
14 "Kɛɛ ‑wo ‑dho "tabhoo ‑da ‑dhɛ ‑kɔ kë ꞊dhɛ kö 'wii 'dhang ‑zë bho‑ "dhiʋ̈? 'Yö ‑wo ‑dho 'dhang bho‑ "dhiʋ̈ ‑kɔ kë ꞊dhɛ kö 'wii‑ ‑wɔn ma wo "tʋ 'ka? 'Yö ‑wo ‑dho ‑a ma ‑kɔ kë ꞊dhɛ 'sa kö mɛ ‑zë 'yii‑ ‑dhiang zë?
15 'Yö ‑wo ‑dho ‑a ‑dhiang zë ‑kɔ kë ꞊dhɛ kö 'wii mɛ 'bha bɔ ꞊dhɛ ‑kɔ 'ö Atanna ‑wʋ 'sëëdhɛ ‑ya pö‑ 'ka ‑a 'dhö ꞊dhɛ:
16 "Kɛɛ mɛ ꞊gban 'wii 'dhang bho naɔ ‑së 'ö go Atanna "piʋ̈ bha‑ "dhiʋ̈. Yö ꞊në‑ ‑wɔn 'gü 'yö Ezai 'ö ‑kë ‑a ‑wʋdhiʋ̈loomɛ 'ka bha 'ö dhiang zë 'ö‑ pö:
17 ‑A ‑kë "dhʋ̈ ‑sü bha‑ 'gü, ‑zʋ ‑yö Atanna ‑dhɛ ‑sü bha‑ ‑gɛn ‑yö go ‑a ‑dhiang 'ö mɛ ‑ya ma bha ꞊në‑ 'gü, 'sa‑ dhiang 'ö "dhʋ̈ bha yö ‑mü Klisi ‑wʋ ꞊në‑ 'ka.
18 "Kɛɛ ꞊ya kë "dhʋ̈ kö Zuifö ‑nu ‑zë ‑a ma ꞊në 'wii‑ wo ‑ee? ‑Abin, ‑wo kë‑ ‑ma 'kpakpadhö! ‑A 'klɔɔ‑ ‑mü ꞊dhɛ Atanna ‑wʋ ‑ya pö 'ö‑ pö:
19 "Kɛɛ ꞊ya kë "dhʋ̈ 'sa kö Izraɛdhö ‑mɛ ‑nu ‑zë ‑a 'gü ꞊në 'wii ma ‑ee? ‑A 'dhɛ bha‑ ‑yɔ zü‑ ‑gban dhiang 'ö Moizö ‑ya zë yi 'bha 'ka ꞊në‑ ‑ta. ‑A ‑gɛn ‑mü ꞊dhɛ Moizö ꞊në dhiang zë 'ö‑ pö:
20 Ezai ‑zë ‑zianwo ‑yö ‑ziö 'dhɛ bha‑ ‑ta 'ö‑ pö:
21 "Kɛɛ 'yö‑ pö Izraɛdhö ‑mɛ ‑nu ‑zë ‑a ‑nu ‑bu 'gü 'ö‑ pö: