1 Tito, ar bedi Jesús-Igar-nuegan-mamaidba be innikii sunmako.
2 Dadormarga be sogo:
3 Amba deyob mukwamarga be sogmogoed:
4 Deginbali, mukwamarga be sogbalo, omegan-odurdakbaloye:
5 nue-binsaed-nikadaedgi,
6 Deginbali, sapingana be weyob unabalo:
7 Tito, bedi be bela ibmar-nuegan-saedgi sapinganga be oyogoed, igi nanamalargebe.
8 Gaya-nuegangi be sunmakoed. We-gayagi dule geg akar soged. Weyob be odurdakele, be-isdarmalad be obingegsaoed. Ar ade, begi ibmar-isdarmalad geg soge-gumaloed.
9 Maigan be weyob ounabalo:
10 Degine, mer e-ibe be ibmar atursamaloye.
11 Bab-Dummad bela nabir dulemargi binsamaid. Ar Bab-Dummad nabir dulemargi binsaewilubsulinad. Emigindi, isguedgi bela dulemar-abonogega, e-nabir-binsaed bela dulemarga oyononikid.
12 Bab-Dummad nabir-anmargi-binsaedba we-igarmargi anmar-odurdaknonikid:
13 Emide anmar, bensulidgi anmar-Bab-Jesucristo-Abonoged-nuedid e-gangued-yeerdaklegedgi-gannar-danikoed edarbedimarsunnad.
14 We-Jesucristoʼde isguedgi anmar-onogegala, anmar-anar na san-burba uksagusad, anmar-anar burgwisad. Adi, bela anmar-isgudiid eliega, egadga anmar-imakega swilidik anmar-imaksad. Adi, anmar ibmar-nueganbi imakdii guegar.
15 Tito, weyob bega ibmar-soglesadba be sunmako, be dule-unao, gandikidba weyob be ibmar sogo. Mer dulemar ibgwensur-be-daked be imako.