1 Dule, Bab-Dummad-Bur-Biriginedgi-dukued-amiedi, Bab-Dummad-Bela-Gangued-Nika-Maid e-edarbedga guoed.
2 An Bab-Jehováʼga soged: “Be an-dukuedid, be an-garganguedid,
3 Bab-Jehováʼbi bonigan-dukuar-bukwadgi be-ollor-imaked,
4 Igi gannir e-sakan-urba e-mimmigan-odukue,
5 Mutikidba boni-noed be dobguosulid,
6 negsichidgi boni-gudiid be dobguosulid,
7 Be-argan-sapiledsiki, miligwen (1,000) dulemar burgwemai guoed,
8 Dule-isganamar sabsur-odurdaklegoed, be-sunnad be dakoed.
9 Ar bedi Bab-Jehová be-odukuedga imaksasoggu,
10 ibmar-isgana gwen be-ebugosulid,
11 Ar Bab-Jehová, e-baliwiturmarga igar-ukoed,
12 Mer be akwagi-gowarmakega baliwiturmar nakwaa be-semai guoed.
13 Achumigur-nono-wawaadgi be obinoed.
14 Bab-Dummad soged: “Ar an-sabsoggu, ani an ollor-imakoed,
15 Ar anse-gollalile, an abinsaoed,
16 An ega birga-ichesur-dula-gudigued ukoed,