1 Bab-Jehová, Bab-Dummad-an-bendaked, an bese ibginedba, mutikidba gordiid.
2 An bese-gornaidi be itoge.
3 Bela-bela angi bonigan yolenaid,
4 Dulemar bato burgwisayob angi binsamalad.
5 Burgwarmalad-abargine an-metemalad,
6 Yaa-bur-matusulidgi be an-balimeted,
7 Be-sae-itogedi bela angine yolenonikid,
8 An-aimar angi banguega be imaksad,
9 An bela-bela-boedbali an-dalamar momommakded.
10 ¿Ar dule-burgwarmalad-abargi ibmar-gegerdaklemalad be imake?
11 ¿Dule-burgwarmamaidgi sunna be-sabguedgi sunmaklesi?
12 ¿Ar nega-sichigangi, be-ibmar-gegerdaklemalad wismarsi?
13 Bab-Jehová, an bese goled, be an-bendakye.
14 Bab-Jehová, ¿ibiga be an-obane?
15 An sapingwagwad-akale ibitodiid,
16 Be-urwedbali an galitosad,
17 Be-emargi-gwisguedi, demaryobi bane-bane an-ebirnaid,
18 Be angine an-aimar obachad,