1 Bab-Dummadga weligwaledgi namakmala, e anmar-ogannogedid.
2 Namakmala, gar-pandero ogormala,
3 Nii-binid-gwisgunonikidgi, gar-trompeta ogormala.
4 Ar weyob-imakoye Bab-Jehová Israel-dulemarga igar uksad,
5 José-wagan Egipto-yargi noargu,
6 Dule-sunmaked an itosad, an wissulid, doa anga sunmake.
7 Bemar suli-suli-itoarmargua, be anse gochamalad,
8 ”An-dulamar, an be-owisogega bega ibmar-sogedi, be itomala.
9 Bab-dummagan-bamalad be-Bab-Dummadga be imakosurmalad,
10 Ani, an be-Bab-Dummad-Jehová gued.
11 ”Degi-inigwele, an-dulamar an-itossurmalad,
12 A-ulale, na e-itolegedba-ibmar-imakega an imaksad.
13 ”Ar an-dulamar an-itosana,
14 an ega e-isdarmalad irgwensuli osulosanad,
15 Dulemar-Bab-Jehová-isdar-dakmalad, Bab-Jehová-e-nug bela-bela odummodmaloenad.
16 An-dulemardi trigo-gwag-bur-nuedgi an oguchaled,