1 Bab-Dummad an-itogega, an ese binnasuli goled.
2 Bab-Dummadse mutikidba bogigusuli an argan-onakgwar gormai daed,
3 Bab-Dummadgi an binsadele, nue-bukib an itodaed.
4 Bab-Dummad, gabsuli be an-imaked.
5 Ibagan-epenne-nasmalad an insaddaed,
6 An mutikidba-namakmaidaed an ebinsaddaed,
7 “¿Ar Bab-Jehová degisadegu anmar-obandiguode?
8 ¿Bab-Dummad degisadegu-anmar-sabgudiid bergussi?
9 ¿Bab-Dummad dule-wiledaked iessi?
10 Geb an sogdesunnad: Bab-Dummad-Bur-Birigined bar epennegii anmarga ibmar imaksulid.
11 Epenne Bab-Jehová-ibmar-dakledisurmalad-imaksad an ebinsaoed.
12 Bab-Dummad-ibmar-dummagan-imaksad an egi binsaoed,
13 Bab-Dummad, be-ibmar-imaked islidikidbiid.
14 Bab-Dummad, be ibmar-dakledisulid-imakedid.
15 Be-ganguedgi, be-dulamar be ollor-imaksad,
16 Bab-Dummad, demar be-daksagua, be-dobguded,
17 Mogirmar, dii-dummad owialid,
18 Burwa-bipirmakaled-imbaba be-goled malayobi binnasuli gollomakded,
19 Demar-abargi, igar be mesisad,
20 Sibad-wawaadyobi be-dulamar Moisésʼba, Aarónʼba be semai gusad.