1 Bab-Dummadye, an bese-goled be an-itoge,
2 Be an-itoge, be an-abin-imake.
3 Dule-isdarmalad-sabsur-ibmar-soged an dobe itoged,
4 Ulubgi gwage nunmak an itoged,
5 Dobedbali an wawanmakgwichid,
6 Geb an-sogsad: “¡Nuuyobi an sakan-nikana gadin!
7 An wegine dikasur wakiteled,
8 ”Burwa-dummad-idu-wakinnega,
9 Bab-Dummadye, we-dulemar be obeloge,
10 Mutiki, ibgine, e-galu-matusulid-ebirdii damalad,
11 E-galu-matusulidgindi dule-obelogedbi neg naid,
12 Ar an-isdarad an-obinge-imaksana, an na san bargasanad.
13 Ar emigindi, bee be weyob an-imaksad.
14 Be nuedgi anbo-walikaa gudidaenad,
15 Burgwed ukiagwar an-isdarmaladgi yolesunna,
16 Ar andi Bab-Dummadse goloed,
17 Wakdaradba, yorukudba, mutikidba an surbinsa-itogedgi Bab-Dummadse goloed,
18 Ar dulemar bukidar angi aibinmar-inigwele,
19 Bab-Dummad-gusgu-dummadga-maiguad an-itogoed.
20 Dule-isgana dule-ebo-nued-gudiidgi aibined,
21 Na e-ibmar-sogedi ochii ibmar-nueganbi soged.
22 Bab-Jehováʼga, be-bukib-binsaed be soge, na e be-bendakoed.
23 Bab-Dummad, bedi dule-isganamar oburgoed,