1 Bab-Dummad, epenne ibmar-dakledisurmalad be imaksadi, anmar-sunnagwad uayagwar itosad.
2 Be-sunnagwadi, dule-be-wissurmalad be onisad.
3 Dadgan gwen e-es-suidgine yar sussurmalad,
4 Bebi unnila be an-Bab-Dummadid, bebi be, an-reyd.
5 Be-ganguedgi anmar-isdarmaladgi anmar nakwisad.
6 An-warsigi bendakleged an amiosulid,
7 Be anmar-isdarmaladgi-nakwega be anmar-imaksad.
8 ¡Bab-Dummad, anmar beginbi nug-dummarba-itodii gumaloed!
9 Emisgindi, be anmar-obachad, be anmar-obinge-imaksad.
10 Dule-isdarmalad-abin sikirmakega be anmar-imaksad.
11 Sibad-wawaadyob be anmar-oburgwega anmar-urmaksad.
12 Be-dulamar mani-bipii be uksad,
13 Dule-anmar-neg-dikarba-mamaid-abin, dule-gegegwaga be anmar-imaksad.
14 Neggweburmar-oallega be anmar-imaksad.
15 Bane-bane bingedar an itodigussunnad.
16 An-isdarmalad-buged-an-imakbi-gudimaladse,
17 Bela we-ibmar anmargi gusad. Degi-inigwele, anmar be-iessulid.
18 Anmar bega uayasuli gussulid,
19 Ar bedi achusapur-bunnu-wawaad-e-gubya-yaba be an-balimetemalad,
20 Bab-Dummad, ar anmar be-iesana,
21 ¿ar be wisguosulin be insae?
22 Be-ular, anmar bane-bane oburgwilediid.
23 ¡Bab-Dummad, atake! ¡Mer gabe!
24 ¿Ibiga be anmar-idu dukue?
25 Anmar napa-nukuse yasulemamaigus-naed.
26 Bab-Dummadye, be dage.