1 Bab-Dummadye, ¿ibiga be an-obacha?
2 Bab-Dummadye, ibginedba an bese gornadaenad,
3 Be dule-islidikidid,
4 Anmar-dadgan begi bensurgusmalad.
5 Bese-gochamaladba be bendaknonikid.
6 An dulesuliyob itoleged,
7 An-dakarmalale, anga alliardamalad.
8 “Bab-Jehováʼgi bensurye-sogdiid,
9 Bab-Dummadye, sapidukugi-an-maigu, bee be an-odenonikid.
10 Bab-Dummadye, sapidukugi-an-maigu, be nue an-akwisad.
11 Bab-Dummadye, mer wargwen be an-mete,
12 An-isdarmalad an-ebiris gudimalad,
13 Igi-achumigur masbina uurmaknagusdae,
14 Dii-napagi-eolenaiyob bela an-san na itoged,
15 Dobedba bela an-gaya dinguded.
16 Dule-isganamar achu-soemaladyob an-ebiris gunanaid.
17 An-garmar daled daklegusad.
18 An-mormar mimismarsunnad,
19 Bab-Jehováʼye, be an-niga-ogannogedid.
20 Mer es-suidse-oburgwilegega be an-imake.
21 Achumigur-nono-wawaadyob-gudimaladgi be an-bendake.
22 Bab-Jehováʼye, an-gwenadganga an begi sunmakoed.
23 Bemar, Bab-Jehová-dobekwaa-gudimalad, Bab-Jehová-e-nug odummomar.
24 Bab-Jehová, dule-wileged-e-naibi-itodiid baisur-daksulid, wagar-biria daksulid.
25 Bab-Jehová, be-dulamar-onmaked-abargine,
26 Dule-wilemalad nue immeledmaloed.
27 Bela we-napneggi-dulemar-yar-baid-baidgi-bukwamalad, dulemar-ablis-akar-akar-bukwamalad-ugakaasega, Bab-Jehová-ebinsadmaloed,
28 Ar Bab-Jehová bela we-napneg ganikid,
29 Dule burgwesuli geg gued.
30 Bela mimmigan-danimalad, Bab-Jehová-e-nug odummomaloed.
31 Amba-yoo-dulemar-gwalulemaladga soglemogoed,