1 Bab-Jehová-nug odummolesun,
2 Bab-Jehová, an-sabguedid, an-edarbedid,
3 Bab-Jehová, ¿wede, dule ibusunna, egi be binsanonigu?
4 Ar dule unnila gayagi buu-imaklegaledid.
5 Bab-Jehová, be-mogir be egae, be aidedage.
6 Mala-ibyemakale be odege,
7 Nibneg-akale, be-gangued be anse oyoge,
8 Ar sunmakdemalale, gakansaddamalad,
9 Bab-Dummad, na begala namaked-gwapidgi an namakoed.
10 Bila-onolegedgi be reymar-onakwemaidid.
11 Be an-bendake,
12 Anmar-mimmigan, e-dungumaidba sapimar-binnasuli-dungumaiyob be imako.
13 Anmar-ibmar-gwag-sabomaladgi bukidar masmar-akar-akar ena-ena bukuega be imake.
14 Anmar-moli-bebe-nikad-omegan, obargudiguega be imake.
15 Neggwebur we-ibmarmar bela nikale, egi-nued-binsalesdo.