1 Bab-Jehová, David be ebinsao,
2 Bab-Jehová, David bega-ibmar-ise-sogar-imaksad be ebinsae,
3 “An-negse an nag-obiosulid,
4 gabemai an saosulid,
5 Bab-Jehováʼga-neg-amiedse, an deyob guoed.
6 Anmar Efrata-neggweburgi-gudigu, Bab-Dummad-Dulemarbo-Igar-Mesisad-Ulugi dulemar-sunmake an itosmalad.
7 Geb anmar sogdemalad: “Anmar Babse-goled-negse namar,
8 Bab-Jehová, be-obunnoged-negse be dage,
9 Be-dule-irwa-bese-gormalad, e-mor-yomalayobi, igar-innikigwad imakmar.
10 Be, be-mai-David-sabedbali,
11 Bab-Jehová Davidʼga ibmar-ise-sogar-sogsa-gusadi, bar osulogosulid.
12 An bemarbo-igar-mesisad-sogedba be-wagan nanaele, an-igar-mamaidgi-an-e-odurdakoedba nanaele,
13 Ar Bab-Jehová, Sión-yala-nug-imaksad,
14 Weyob sogsad: “We, an-obunnoged-negga degisadegu gudii guoed.
15 E-mas gatik-obinebaka-merguega an imakoed,
16 Amba deyob, e-dule-irwa-Bab-Dummadse-gormaladga bendakleged-mola an ega yooed,
17 ”Wegine, David-e-gangued-gannar-nikuega an imakoed.
18 E-isdarmalad, binged-dummad-nikuega an imakoed.