1 Bab-Jehováʼga dog-nuedye sogmala,
2 Bab-Jehováʼse-abonolesmalad,
3 Bab-Jehová bela-Israel-dulemar-yar-baid-baidgi-bukwad senonikid:
4 Dulemar-abala nega-dulesulidganba yoggus gaamakdii gusmalad.
5 Na mas-gunbigudii gusmalad, uku-uku-itodii gusmarbalid,
6 Geb surbinsa-itogusmaladba Bab-Jehováʼse gochamalad,
7 Bab-Jehová neggwebur-megdapmaloedse-momalaga,
8 Dule-nue-wiledakmaid-ulale, Bab-Jehováʼga doggus-nuedye be sogmala.
9 Bab-Jehová dule-uku-uku-itodimaladga ukud obeloged.
10 Abala nue-wile-itobukwa, emar-maiga-bukwa gusmalad.
11 Ar Bab-Jehová-Bur-Birigined-igar-sogsadba ibsassurmalad.
12 A-ulale, Bab-Jehová arbaed-dummad ega urmaksad,
13 Geb surbinsa-itogusmaladba Bab-Jehováʼse gochamalad.
14 Negasichidgi-burgwednaga-bukwamaladgi onosad,
15 Dule-nue-wiledaked-ulale, Bab-Jehováʼga doggus-nuedye be sogmala.
16 Ar yawagakmar-esgoro-gordikidgi-sobaled bibichisad,
17 Anmar-dadgan Bab-Jehová-Igar-Sogsadba gwen ibmar-imaksasurmarsoggu, binsaed-satedyob gusmalad.
18 Bela ibmar-gullemaladi ega aged ukdaed.
19 Geb surbinsa-itogusmaladba Bab-Jehováʼse gochamalad.
20 Bab-Dummad na e-sunmakedba dulemar-nudaksad,
21 Dule-nue-wiledaked-ulale, Bab-Jehováʼga doggus-nuedye be sogmala.
22 Bab-Jehováʼga doggus-nuedye-sogleged-ibmar-ukleged be ukmala,
23 Dulemar muu-billi-dummaganba mani-amiegala,
24 Wemala, Bab-Jehová-e-ibmar-imaksad daksamalad.
25 Bab-Dummad e-sunmakedba burwa binnasur ogochad,
26 Urdi mogirmar-naidse nakwiddaed,
27 Mummuyobi banamakdidii guarmalad.
28 Geb surbinsa-itogusmaladba Bab-Jehováʼse gochamalad,
29 Bab-Dummad burwa-dummad bogidik imaksad,
30 Ar burwa-bogiledgua, dulemar yeer itosmalad.
31 Dule-nue-wiledaked-ulale, Bab-Jehováʼga doggus-nuedye be sogmala.
32 Bemar, dulemar-onmakbukwad-abargi, Bab-Jehová-e-nug odummomala.
33 Bab-Dummadi, e-dulamar-ichakwadamalad-ular, diwarmar nega-dulesulidganga obinnisad,
34 Bab-Dummadi, e-dulamar-ichakwadamalad-ular,
35 Bab-Dummad nega-dulesulidgan diimarga obinnisad,
36 Agi dulemar-uku-uku-itodimalad urbisad,
37 Nainumargi ibmar-gwag digsamalad, uva-dubmar digsamarbalid.
38 Bab-Dummad we-dulemargi nued-binsasad,
39 Ar e-dulemar icheleddibe, ibgwensur-imakleddibe, mesagwar-imaklebukwad-ular, deyob guoed.
40 Bab-Dummad dulemar-nue-nug-nikamalad ibgwensur-daked,
41 Ar Bab-Dummad, dule-wilegeddi na e-wilediidgi onoged.
42 Dule-nuegan weyob-ibmar-dakoedba weligwar itomaloed.
43 Ar dule, binsaed-ibedile, we-ibmar gwagegi sedii guoed,