1 Bab-Jehováʼye, an bese-gornaid be itoge,
2 Bonigan angi-yolenonikile, mer be an-idu dukuo, nue be an-itogo.
3 An-ibagande, waayob bergudedaed.
4 An-gwage ber nollomakded,
5 An binnasuli-akiginnedbali, an-garmardi daledgusad.
6 Noo-negsulidganba-gukudiidyobi, an wargwen itoged.
7 Bar an gabdisulid,
8 An-isdarmalad bane-bane mesagwar an-imakdimalad,
9 Degisoggu, sooburu an madisunnad.
10 Bab-Dummad, be sabsur-uludedbali, sabsur-an-imaksa gusad.
11 An-ibagande, negsichiledanikiyobi, bato bergudanikid.
12 Bab-Jehová, ar bedina, degisadegu be negsemai guoed.
13 Be, Sión-dulemar bendaknonikoed,
14 Anmar-be-maimar, Jerusalén-neggweburbina nue-sogmalad.
15 Bela dulemar-yar-baid-baidgi-bukwamaladi, Bab-Jehová-nug-dobe-nanadii gumaloed.
16 Ar Bab-Jehová, Sión-neg-ayarar-siid gannar soboed,
17 Dule-ibmar-suli-gudimalad-ese-goledi itogoed,
18 Wagan-danimalad wisgumalaga, we-ibmar narmaklego.
19 Ar Bab-Jehová, dulemar-gales-gorbukwad-itogega, e-neg-islidikid-akale, napneg-naid nue-dakded.
20 Bab-Jehová, dulemar-oburgwilegega-galesbukwad-onogegala, napneg-naid nue-dakded.
21 Bab-Jehová, dulemar Sión-yargi-e-nug-barsogmalagala, napneg-naid nue-dakded.
22 Bab-Jehová-nug-odummomalagala, bela we-dulemala danakwaa ambikudmaloed,
23 An gudiidgine, Bab-Dummad, an-ibe an-niga onollomaksad,
24 Agala, an ise-wilegar ega sogded: “An-Bab-Dummadye, mer be an-ibe an-ibagan osikirmakye.
25 Gebesailaunni, napneg be nasiksad,
26 We-napnegdina, berguoed, nibnegmoga bergumogoed.
27 Bab-Dummad, bedina amba gannar maid,
28 Be-nug-odummodimalad-e-mimmigandina, nued-gudii gumaloed.