1 Bab-Jehováʼye, ¿ibiga be angi yoggus gudii? ¿Ibiga be an-idu dukue?
2 Dule-isgana na-san-bule-bule-imakedgi, sabsur dule-wileged-baregindaed.
3 Dule-isgana, sulibinsa-ibmarbina-sogedgi na san-ogannodiid.
4 Bab-Dummadye, dule-isgana bule-bule-san-imakedbali, be-amisulid.
5 Bela-ibmar-imakdele, ega ibmar-nueganbi naddaed.
6 E-gwagegi weyob binsadaed:
7 E-sunmakedi, unnila dule-ukabsaedginbi sunmaked,
8 Dule-isgana emar-naibi-imakega, galimbaba gudidaed.
9 We-dule, igi achumigur dule-baisur-binsadiidgi-ichomakegala, e-dukued-yaba-dukusidae,
10 Ar deyobi, dule-e-bendakedsuli-gudiidi, dule-isganase-galenonikile, ese nue sabsur-ibitoged.
11 We-dule-isgana ulubgi binsaed:
12 ¡Bab-Jehováʼye, be dake!
13 ¿Ibiga we-dule-isganade, e-sunmakedgi mesagwar be-imakosunna?
14 Bab-Jehováʼye, ar bedi bato neg-gunaid daksad,
15 ¡Bab-Dummadye, dule-isgana-ibe be e-gangued-osuloge!
16 Bab-Jehováʼye, be degisadegu Reyga maid.
17 Bab-Jehováʼye, dule-wilegana-bese-goled be itodaed.
18 Bab-Jehová dule-sergan-satedga, degi, dule-wiledimaladga, igar-innikigwad imakdaed,