1 Inna-gagbidi, bingedsuli dule-imaked.
2 Rey-urwedi, achumigur-nono-wawaad-uurmakedyob gued.
3 Dule-e-urwedgi-banguedi, bur nug-dummarba gued.
4 Dule-wiegala yorgi neg imaksulid,
5 Dule-binsaedi, dii-wiladyob gued,
6 Dule-bukidar sogdamalad, ede dule-nuedye.
7 Dule-nuedi, innikigwadba nanaed.
8 Ar rey igar-nabogega e-ologanagi sigisale,
9 Dule geg soged: “Andi gwage swilidik-nikaye,
10 Bab-Jehová ibmar-sogbogwad nabir daksulid:
11 Machigwa e-ibmar-imakedba magar dakleged,
12 Bab-Jehová ibmar-sogbo yeerdakle obinnisad:
13 Mer be dule-wilegedga-guega, mer be gabedginbi binsae.
14 Dule-ibmar-bakedi, yamo sogdedaed: “¡Wedi nuedsuli! ¡Wedi ibmar-isgana!”
15 We-napneggi, ormar-nika-inigwele, akwa-nuegan-nika-inigwele,
16 Dule-akudaked-anar dule-mani-bennukoye-sogsad-ibe, ibmar-nued be sue.
17 Dule, emar-yardakedgi masgunned-amiedi yeer-itoged,
18 Igarmar-nuegan-amilegedi, binsaed-nued-dakedba amileged.
19 Dule-galagwensuli-sunmakedi, ibmar odukusulid.
20 Dule e-bab-ukabsaele, e-nan-ukabsaele,
21 Gebegi ibmar-irgwensursunna-nikulegedgi,
22 Mer be sogo, an buged-mai imakoye.
23 Bab-Jehová nibirmar-noaled isdar-daked,
24 Bab-Jehová, dule-iduega gued.
25 Nue-binsassuli Bab-Dummadga-ibmar-imakoye-soged bonidar-dummadid.
26 Rey-binsaed-ibedi, dule-isganamar-oaisakied.
27 Dule-burba, Bab-Jehová-anmarga-uksadi, bela gwage-ulubse binsaed-baramied.
28 Wile-dule-daklegedi, degi, napiragwadgi-ibmar-soglegedi, rey-bendakega gued.
29 Sapingan-e-werguedi, e-garganguedgi siid.
30 Bibyolegedgi, degi, naibisalegedgi, dule-isgana nudakleged.