1 Bab-Jehová nibir-innikisulid isdar daked.
2 San-odummolegedgi, nug-oicholeged danikid.
3 Dule-innikidaedgala, e-daed e-iduedga gued.
4 Igar-naboleged-ibagan-nonikile, be-ibmar-bukidar-nikadi be-bendakosurguoed.
5 Dule-innikidaedgala, e-ibmar-inniki-imakedi ega igar-nuegan oyoged.
6 Dule-innikidamaladi, ibmar-inniki-imakedgi bendaklemalad.
7 Dule-isgana-burgwidele, na ibmar-edarbediid eba-yoggudoed,
8 Dule-innikidaedga, bonigan-noalile, akar-gusulid.
9 Dule-isgana, e-gwabin-dukugi dule-e-neg-nabamaid wioged.
10 Dule-innikidaed-nasgudele, bela dulemar wergued.
11 Dule-innikidaedi, e-ibmar-nued-oyogedgi neggwebur-ogannoged.
12 Dule-inniki-binsasulidi, mesagwar emar-imaked.
13 Dule-yogasaar-sunmakedi, ibmar-soged odukusulid.
14 Negseleged-igar inniki-maisulile, dulemar galagwensuli guddaed.
15 Be dule-akudaked-mani-gasad-anar, mani be bennukoye sogsale, na be dukin boni-amioed.
16 Ome gwage-nued-nikad-oyodiile, e-nug ogannoledii guoed.
17 Dule gwage-nued-nikad-oyodiile, ega ibmar-nuedga gued.
18 Dule-isgana ibmar-isgana-imakedgi-ibmar-amied binsaledid.
19 Dule-innikidaed, burba-dulad-nika gudiid.
20 Bab-Jehová dule-gwage-isgana-nikadi, nabir-daksulid,
21 Dule-isgana, amba sabsur odurdaklegedsegad.
22 Olo-nued-sin-e-asugi-yoiyobi,
23 Dule-innikidaedi, unnila ibmar-nued-imakedbi abeged.
24 Dule-wilub-obicha-ibmar-ukedi, aka ibmar-bukidar ega ukleged.
25 Dule-wilub-obicha-ibmar-ukedi, ibmar ega nasgued.
26 Dule ibmargwag-gulleged na ebi gaasa-imakele, dulemar egi isdar sunmaked.
27 Dule ibmar-nued-imakedi, aimar-nued amied.
28 Dule e-ibmar-nikadgi-alakwaa-naidibe, we-dule galakudoed.
29 Dule dukin e-neguya-oichogedi, na e-neguya-obelogega imaked.
30 Dule-innikidaed-e-ibmar-imakedi, nued-gudii e-imaked.
31 Dule-innikidaedga, we-napneggi ibmar-nued ukleged.