1 Jesucristo e-dadgansiki ilekwaa-danikid-e-garda. Jesucristo, David-e-wagwad, degi, Abraham-e-wagwabalid.
2 Abraham-machidi, Isaacʼye nugad,
3 Judá-machidi, Faresʼye nugad,
4 Aram-machidi, Aminadabʼye nugad,
5 Salmónʼdi, Rahab-ebo Booz-baksad.
6 Isaí-machidi, Rey-Davidʼye nugad,
7 Salomón-machidi, Roboamʼye nugad,
8 Asa-machidi, Josafatʼye nugad,
9 Uzías-machidi, Jotamʼye nugad,
10 Ezequías-machidi, Manasésʼye nugad,
11 Judíoʼmar Babiloniaʼse gales ebipilesmargu, Josías machimala-nikunonikid:
12 Judíoʼmar gales Babiloniaʼse ebipilesmalad-sorba,
13 Zorobabel-machidi, Abiudʼye nugad,
14 Azor-machidi, Sadocʼye nugad,
15 Eliud-machidi, Eleazarʼye nugad,
16 Jacob-machidi Joséʼye nugad.
17 Degisoggu, Jesús-e-dadgan, Abraham-akar, Davidʼse, e-ambe-gakabake (14) gued.
18 Jesucristo weyob gwalulesad: María, Jesús-e-nan, deun José-ebo igar nabosmalad na nikumaloye. Nikued-idu, María daklealid, Bab-Dummad-Burba-Isligwaled-egi-ataksadba bato gurgin-nika gudii.
19 María-e-sui-José, dule-gwage-nuedsoggu, yapa-María-obingegsaedba arbakee mete-sokalinad.
20 Ar José degi-binsadii, gabgi Bab-Dummad-e-baliwitur ese nonikid, ega sognonikid: “David-wagwa-José, mer be dobgu. María be-omega-guega be abingae. Ar María-bonigwar be dakedi, Bab-Dummad-Burba-Isligwaled-sogedba deyob gusad.
21 María, machi-wargwen nikuoed, Jesúsʼye be onugsaoed, ar ade, isguedgi e-neggwebur abonogoed.”
22 Weyob bela ibmar-gusadi, deyob gusad, adi, Bab-Dummad na e-gayaburba-barsogedba ibmar-sogsadba guegar, deun sogsagusgu:
23 “Emi be dake, yagwa-wargwen gurgin-nika guoed, goe nikunonikoed.
24 José gabdakmai ataksagu, ar igi Bab-Dummad-e-baliwitur ega sogsa, deyob imaksad. José, María-nikunonisunnad.
25 Degi-inigwele, amba Maríaʼse gochasurgweled. José, María-machi-gebe-nikusad-sorba geb Maríaʼse gochad. Machigwa-gwalulesadi, Jesúsʼye onugsasad.